Sýret: gov.kz
Qarjy ministrligi Memlekettik kirister komitetiniń basshysy Daniiar Janalinov azamattardyń mobildi aýdarymdaryn tekserý qalai jumys isteitinin jáne 2023 jyldan bastap salyq organdaryna aýdarymdar týraly qandai aqparat túse bastaitynyn aitty, - dep habarlaidy Tengrinews.kz portaly.
"Biz mobildi aýdarymdar týraly aqparatty zańnamada belgilengen normalarǵa sáikes alamyz. Bul jeke tulǵalar arasyndaǵy mobildi aýdarymdardyń bári emes. Belgili bir kriteriiler bar - aiyna 100 jáne odan da kóp aýdarymdar. Bul jaǵdai úsh ai qatarynan qaitalanýy kerek. Sonda bul aqparat bizge kele bastaidy. Bul sharttarsyz aýdarymdar týraly aqparat eshqandai jolmen alynbaidy", - dedi Janalinov Ortalyq kommýnikatsiialar qyzmetinde ótken brifingte jýrnalister suraǵyna jaýap berip.
Aqparat kezeń-kezeńimen túse bastaidy.
"Birinshi kezeń, 2023 jyldan bastap – memlekettik qyzmetshi sanalatyn jeke tulǵalarǵa qatysty, olarǵa teńestirilgen jáne olardyń jubaiyna nemese jubailaryna qatysty. Ekinshi kezeń, 2024 jyldan bastap, kvazimemlekettik sektordyń qyzmetkerleri. Al úshinshi kezeń, 2024 jyldan bastap – jeke kásipkerler. Sońǵy kezeń 2025 jyly aiaqtalady - aýdarymdardy júzege asyratyn barlyq azamat úshin. Memlekettik qyzmetkerler úshin jumys 2023 jyly bastalatyndyqtan, bul aqparat áli joq", - dep túsindirdi ol.
