2023 jyldan bastap stýdentter oqý aqysyn tóleý úshin bankterden 2-3%-dyq nesie rásimdei alady. Bul týraly ǵylym jáne joǵary bilim ministri Saiasat Nurbek málimdedi, dep habarlaidy Sputnik Qazaqstan.
Úkimet kýlýarynda jýrnalister oqý aqysyn tóleýge 2-3%-dyq nesie qashan beriletinin surady.
"Kelesi jyldan bastalady. Biz buryn bolǵan qarjylandyrý jáne kredit alý modelin muqiiat qarastyryp jatyrmyz. Nesieni ekinshi deńgeili bankter beredi. Stýdent óz atyna 2-3%-dyq nesie rásimdei alady", - dep jaýap berdi Saiasat Nurbek.
Sondai-aq, ministrdiń aitýynsha, UBT talapkerdiń oqý jetistikteri men áleýmettik jaǵdaiyn eskeretin kórsetkishter boiynsha jetildiriledi.
"Atalǵan tásil grant baǵasy júiesine (30%-dan 100%-ǵa deiin) differentsiatsiia engizýde de qoldanylady", - dedi Nurbek úkimet otyrysynda.
Budan bólek, tyǵyz qonystanǵan jáne jańadan qurylǵan Abai, Ulytaý, Jetisý oblystarynyń talapkerlerine grant bólý jalǵasady.
Stýdentterdi jataqhanamen qamtamasyz etý máselesin sheshý úshin ýniversitettermen jáne qurylys kompaniialarymen memlekettik-jekemenshik áriptestik tetigi jetildiriledi.
