Múmkindigi shekteýli balalardy tárbielep otyrǵan otbasylar úshin kámelettik jasqa tolǵannan keiin turǵyn úi esebinde turý quqyǵyn saqtaý eskerilip otyr. Bul týraly búgin Májiliste zań jobasyn tanystyrý barysynda QR Eńbek jáne halyqty áleýmettik qorǵaý ministri Serik Shapkenov málim etti, dep habarlaidy QazAqparat.
«Halyqaralyq tájiribeni (Japoniia, Germaniia, Frantsiia) eskere otyryp, múgedektigi bar adamdardy jumysqa ornalastyrý kvotasyn oryndaýdyń balamasy retinde jumys berýshiler úshin ótemaqy jarnalaryn 2023 jyldan bastap engizýdi usynamyz. Jinaqtalǵan qarajat jumyspen qamtýǵa járdemdesýge baǵyttalatyn bolady», - dedi ministr.
Budan bólek, jumys berýshiniń óz mindettemelerin oryndaýǵa múmkindik bolmaǵan jaǵdaida eńbekte mertigýden múgedek bolǵan adamdardy memleket esebinen ońaltýdyń tehnikalyq quraldarymen jáne kórsetiletin qyzmettermen qamtamasyz etý eskerilgen.
Serik Shapkenovtyń sózine qaraǵanda, múmkindigi shekteýli balalardy tárbielep otyrǵan otbasylar kámelettik jasqa tolǵannan keiin turǵyn úi alǵanǵa deiin esepte turý quqyǵyn saqtaý qamtylǵan. Bul norma 20 myń otbasyna kezegin saqtaýǵa múmkindik beredi.
Aita keteiik, búginde turǵyn úige kezekte turǵan jáne ony almaǵan múgedek balalary bar otbasylar «1 nemese 2-toptaǵy múgedekter» sanaty boiynsha kezekke qaita turýǵa májbúr.
