2022 jyly barlyq eldi mekender keń jolaqty Internetpen qamtylady. Bul týraly Elbasy Nursultan Nazarbaevtyń tóraǵalyǵymen ótip jatqan Úkimettiń keńeitilgen májilisinde QR Premer-Ministri Baqytjan Saǵyntaev málim etti, dep habarlaidy QazAqparat.
«Úkimet Sizdiń bastamańyzben bastaý alǵan «Tsifrlyq Qazaqstan» baǵdarlamasyn júzege asyrý boiynsha belsendi jumystardy atqarýda. 2022 jylǵa qarai elimizdiń barlyq eldi mekenderi keń jolaqty Internetke qol jetkizip, qajetti bailanyspen qamtamasyz etiledi», - dedi Úkimet basshysy.
Osy oraida Baqytjan Saǵyntaev tsifrlyq ekonomika men halyqtyń tsifrlyq saýattylyǵy úshin kadrlardy daiarlaý jónindegi jospar qabyldanǵanyn atap ótti. Bastapqy 500 ónerkásiptik kásiporynda 4.0 Indýstriiasy elementterin engizý men bazalyq salalarda tehnologiialyq qaita jaraqtaý boiynsha sharalar ázirlendi.
Elektrondyq kommertsiiany damytýda, sondai-aq jalpy IT-salany jetildirý turǵysynda zańnamalyq normalar ázirlendi. «Aqyldy» qalalardy damytý tujyrymdamasy bekitildi. Jyl sońyna deiin ár óńirde qanatqaqty jobalar júzege asyrylady», - dedi Premer- Ministr.
