2022 jyly dárigerlerdiń jalaqysyn kóterýge 361 mlrd teńge qarjy bólinedi. Bul jaiynda QR Premer-Ministriniń orynbasary Eraly Toǵjanovtyń Májilis depýtattary saýalyna bergen jaýabynda aitylǵan, dep habarlaidy QazAqparat.
«Memleket basshysynyń Qazaqstan halqyna arnalǵan Joldaýyn júzege asyrý aiasynda 2020-2025 jyldary meditsina qyzmetkerleriniń jalaqysyn kezeń-kezeńmen kóterý josparlanǵan», - delingen Úkimet basshysy orynbasarynyń jaýabynda.
Vitse-premer jaýabyna anyqtama retinde usynylǵan derekterge sáikes, 2021 jyldyń 1 qańtarynan densaýlyq saqtaý salasynda 247 myń meditsina qyzmetkeriniń jalaqysy artty. Atap aitqanda, dárigerlerdiń jalaqysy 30 paiyzǵa (246,1 myńnan 319,9 myń teńgege) orta meditsina qyzmetkerleriniń jalaqysy 20 paiyzǵa (144,6 mńnan 173,5 myń teńgege) ulǵaidy.
«2023 jylǵa qarai meditsina qyzmetkerleriniń jalaqysyn ekonomikadaǵy ortasha jalaqyǵa qatysty 2,5 esege deiin arttyrý josparlanǵan», - dedi ol.
Anyqtamalyq derekterge qaraǵanda, bul maqsatqa 2021 jylǵa – 222,3 mlrd teńge, 2022 jylǵa – 361,7 mlrd teńge, 2023 jyly 557,4 mlrd teńge kózdelgen.
