2022 جىلى دەرٸگەرلەردٸڭ جالاقىسىن كٶتەرۋگە 361 ملرد تەڭگە قارجى بٶلٸنەدٸ. بۇل جايىندا قر پرەمەر-مينيسترٸنٸڭ ورىنباسارى ەرالى توعجانوۆتىڭ مەجٸلٸس دەپۋتاتتارى ساۋالىنا بەرگەن جاۋابىندا ايتىلعان, دەپ حابارلايدى قازاقپارات.
«مەملەكەت باسشىسىنىڭ قازاقستان حالقىنا ارنالعان جولداۋىن جٷزەگە اسىرۋ اياسىندا 2020-2025 جىلدارى مەديتسينا قىزمەتكەرلەرٸنٸڭ جالاقىسىن كەزەڭ-كەزەڭمەن كٶتەرۋ جوسپارلانعان», - دەلٸنگەن ٷكٸمەت باسشىسى ورىنباسارىنىڭ جاۋابىندا.
ۆيتسە-پرەمەر جاۋابىنا انىقتاما رەتٸندە ۇسىنىلعان دەرەكتەرگە سەيكەس, 2021 جىلدىڭ 1 قاڭتارىنان دەنساۋلىق ساقتاۋ سالاسىندا 247 مىڭ مەديتسينا قىزمەتكەرٸنٸڭ جالاقىسى ارتتى. اتاپ ايتقاندا, دەرٸگەرلەردٸڭ جالاقىسى 30 پايىزعا (246,1 مىڭنان 319,9 مىڭ تەڭگەگە) ورتا مەديتسينا قىزمەتكەرلەرٸنٸڭ جالاقىسى 20 پايىزعا (144,6 مڭنان 173,5 مىڭ تەڭگەگە) ۇلعايدى.
«2023 جىلعا قاراي مەديتسينا قىزمەتكەرلەرٸنٸڭ جالاقىسىن ەكونوميكاداعى ورتاشا جالاقىعا قاتىستى 2,5 ەسەگە دەيٸن ارتتىرۋ جوسپارلانعان», - دەدٸ ول.
انىقتامالىق دەرەكتەرگە قاراعاندا, بۇل ماقساتقا 2021 جىلعا – 222,3 ملرد تەڭگە, 2022 جىلعا – 361,7 ملرد تەڭگە, 2023 جىلى 557,4 ملرد تەڭگە كٶزدەلگەن.
