Búgin Parlament Májilisiniń jalpy otyrysynda Ulttyq ekonomika ministri eldiń 2021-2025 jyldarǵa arnalǵan áleýmettik-ekonomikalyq damý boljamy jaiynda baiandady, dep habarlaidy QazAqparat.
Boljam kelesi faktorlardy eskere otyryp jasalǵan:
Birinshiden, 2019 jylǵy jalpy ishki ónim boiynsha eseptik statistikalyq derekter jáne biylǵy qańtar-shildedegi ekonomikanyń damý qorytyndylary;
Ekinshiden, álemdik ekonomikanyń ósýi boiynsha halyqaralyq qarjy uiymdarynyń jańartylǵan boljamdary. Koronavirýs pandemiiasy aiasynda 2020 jyly álemdik ekonomika 5 paiyzǵa tómendep, 2021 jyly 4,9 paiyzǵa deiin ósedi dep kútilýde;
Úshinshiden, álemdik taýar naryqtaryndaǵy úrdister. Halyqaralyq qarjy uiymdarynyń munai baǵasy boiynsha konsensýs baǵalaýy - 2021 jyly bir barreline 45 jáne 2022 jyly 55 dollar.
«Konservativti tásildi eskere otyryp, biýdjettik josparlaý úshin negiz retinde bazalyq stsenarii paidalanyldy. Bazalyq stsenariide jalpy ishki ónimniń ortasha jyldyq ósýi 4 paiyzdy quraidy. Bazalyq stsenariide jalpy ishki ónimniń naqty ósýi 2021 jyly 2,8 paiyz deńgeiinde boljanyp otyr. 2025 jyly ol 4,6 paiyzǵa jetedi. Nominaldy jalpy ishki ónim 2021 jyly 76,7 trln teńgeni, al 2025 jyly – 104,8 trln teńgeni quraidy», - dedi R. Dálenov.
