2021 jyly sý shyǵyny 273 mln tekshe metrge azaidy. Bul týraly QR Ekologiia, geologiia jáne tabiǵi resýrstar vitse-ministri Serik Qojaniiazov aitty, dep habarlaidy QazAqparat.
«Memleket basshysynyń tapsyrmasyna sáikes, transshekaralyq aǵynǵa táýeldilikti azaitý jáne sýarmaly jerlerdi qalpyna keltirýdi qamtamasyz etý úshin sý sharýashylyǵy infraqurylymyn salý, qaita jańartý, sýarý kanaldaryn tsifrlandyrý boiynsha jumys júrgizilýde. Sý basý qaýpin joiý jáne qaýipsiz paidalanýdy qamtamasyz etý maqsatynda avariialyq sý qoimalary men gidrotehnikalyq qurylystardy rekonstrýktsiialaý júrgiziledi. Qazirgi tańda 16 gidrotehnikalyq qurylystary qaita jańartyldy. Onyń ishinde 2021 jyly Almaty, Shyǵys Qazaqstan, Qyzylorda jáne Túrkistan oblystarynda ornalasqan 4 nysan qalpyna keltirildi», - dedi ol ministrliktiń alqa májilisinde.
Vitse-ministrdiń dereginshe, 9 jańa sý qoimasyn salý aiasynda ótken jyly Túrkistan oblysyndaǵy «Keńsai-Qosqorǵan-2» sý qoimasy paidalanýǵa berildi. Qalǵandary boiynsha tehnikalyq-ekonomikalyq negizdemeler men jobalaý-smetalyq qujattamalar ázirlenýde.
Respýblikalyq biýdjet jáne halyqaralyq qarjy uiymdarynyń qaryzdary esebinen 1 050 shaqyrym sýarý kanaldary qaita jańartyldy. Bul 78 myń gektardy qalpyna keltirýge jáne 13 myń gektar sýarmaly jerdi sýmen qamtamasyz etýdi jaqsartýǵa múmkindik berdi. Budan basqa, 2021 jyly kanaldardaǵy 6 myńǵa jýyq gidrotehnikalyq qurylystar qaita jańartyldy jáne tik drenajdyń 95 uńǵymasy qalpyna keltirildi. 16 kanal tsifrlandyryldy. Nátijesinde sý shyǵyny 273 mln tekshe metrge azaidy», - dedi Serik Qojaniiazov.
