2021 jyly Qazaqstanda munai óndirý kólemi 86 mln tonnaǵa deiin ulǵaitylýy múmkin. Bul týraly QR Energetika ministrliginiń alqa májilisinde vedomstvo basshysy Nurlan Noǵaev aitty, dep habarlaidy "Ult aqparat".
«Pandemiia saldarynan biraz zardap shekken munai ónerkásibiniń negizgi kórsetkishterine toqtalatyn bolsam, 2020 jyldyń qorytyndysy boiynsha munai jáne kondensat óndirý kólemi 85,7 mln tonnaǵa jetti. 2021 jyldyń qańtar aiynda qoldanylǵan shekteýlerdi (-17%) eskere otyryp, eń pessimistik stsenarii boiynsha 2021 jylǵa arnalǵan boljamdy óndirý kólemi – 83,4 mln tonna. Bul rette búgingi tańda álemdik munai naryǵy men munaidyń baǵa belgilenimderiniń birte-birte qalpyna kelý úrdisi baiqalýda. 86 mln tonna jospardy oryndaý kútilýde», - dedi ministr.
Onyń aitýynsha, 2020 jyldyń qorytyndysy boiynsha munai eksporty 68,5 mln tonnany qurady. 2021 jylǵa arnalǵan jospar- 67,5 mln tonna.
«Munai óńdeý kólemi 2020 jyldyń qorytyndysy boiynsha 15,8 mln tonnaǵa jetti. 2021 jylǵa arnalǵan jospar – 17 mln tonna. Munai ónimderin óndirý kólemi 2020 jyldyń qorytyndysy boiynsha 11,8 mln tonnaǵa jetti. 2021 jylǵa arnalǵan jospar- 12,4 mln tonna», - dedi N. Noǵaev.
