2021 جىلى قازاقستاندا مۇناي ٶندٸرۋ كٶلەمٸ 86 ملن تونناعا دەيٸن ۇلعايتىلۋى مٷمكٸن. بۇل تۋرالى قر ەنەرگەتيكا مينيسترلٸگٸنٸڭ القا مەجٸلٸسٸندە ۆەدومستۆو باسشىسى نۇرلان نوعاەۆ ايتتى, دەپ حابارلايدى "ۇلت اقپارات".
«پاندەمييا سالدارىنان بٸراز زارداپ شەككەن مۇناي ٶنەركەسٸبٸنٸڭ نەگٸزگٸ كٶرسەتكٸشتەرٸنە توقتالاتىن بولسام, 2020 جىلدىڭ قورىتىندىسى بويىنشا مۇناي جەنە كوندەنسات ٶندٸرۋ كٶلەمٸ 85,7 ملن تونناعا جەتتٸ. 2021 جىلدىڭ قاڭتار ايىندا قولدانىلعان شەكتەۋلەردٸ (-17%) ەسكەرە وتىرىپ, ەڭ پەسسيميستٸك ستسەناريي بويىنشا 2021 جىلعا ارنالعان بولجامدى ٶندٸرۋ كٶلەمٸ – 83,4 ملن توننا. بۇل رەتتە بٷگٸنگٸ تاڭدا ەلەمدٸك مۇناي نارىعى مەن مۇنايدىڭ باعا بەلگٸلەنٸمدەرٸنٸڭ بٸرتە-بٸرتە قالپىنا كەلۋ ٷردٸسٸ بايقالۋدا. 86 ملن توننا جوسپاردى ورىنداۋ كٷتٸلۋدە», - دەدٸ مينيستر.
ونىڭ ايتۋىنشا, 2020 جىلدىڭ قورىتىندىسى بويىنشا مۇناي ەكسپورتى 68,5 ملن توننانى قۇرادى. 2021 جىلعا ارنالعان جوسپار- 67,5 ملن توننا.
«مۇناي ٶڭدەۋ كٶلەمٸ 2020 جىلدىڭ قورىتىندىسى بويىنشا 15,8 ملن تونناعا جەتتٸ. 2021 جىلعا ارنالعان جوسپار – 17 ملن توننا. مۇناي ٶنٸمدەرٸن ٶندٸرۋ كٶلەمٸ 2020 جىلدىڭ قورىتىندىسى بويىنشا 11,8 ملن تونناعا جەتتٸ. 2021 جىلعا ارنالعان جوسپار- 12,4 ملن توننا», - دەدٸ ن. نوعاەۆ.
