2021 jyly «qaǵaz» anyqtamalardy tolyǵymen joiylýy kerek. Bul týraly búgin Úkimet otyrysynda QR Premer-Ministri Asqar Mamin aitty, – dep habarlaidy "Ult aqparat".
«Smartfon qoldanýshylar sany ósýde, osy rette memlekettik qyzmetter men servisterdi mobildi platformada kórsetý qajettiligi artyp otyr. Eń qajetti áleýmettik mańyzdy memlekettik qyzmetterdi mobildi formatqa kóshirý jumysyn jandandyrý qajet. Tsifrlyq damý ministrligine múddeli memlekettik organdarmen birlesip, barlyq áleýmettik mańyzdy memlekettik qyzmetterdi eGov mobailǵa aýystyrý boiynsha jospardy bekitýdi tapsyramyn. Jalpy 2021 jyly «qaǵaz» anyqtamalardyń qajettiligin tolyǵymen joiýymyz kerek. «Azamattarǵa arnalǵan úkimet» korporatsiiasynan qyzmetterdi jetkizýdi jáne barlyq onlain qyzmetter men servisterdiń 100 paiyz qoljetimdiligi qamtamasyz etýimiz qajet», - dedi Úkimet basshysy.
Sonymen qatar Asqar Mamin Memleket basshysy zeinetaqy men járdemaqylardy taǵaiyndaý jáne tóleýge qatysty protsesterdi tolyǵymen tsifrlandyrýdy tapsyrǵanyn atap ótti.
«Osy jyldyń sońyna deiin áleýmettik jáne eńbek salasynda elektrondyq formatta kórsetiletin memlekettik qyzmetter kórsetkishi 90 paiyzǵa jetkiziledi. Densaýlyq saqtaý ministrligine azamattarǵa qajetti elektrondyq meditsinalyq málimetterdi berýdi qamtamasyz etýdi tapsyramyn. Eńbek ministrligi memlekettik organdarmen birlesip, zeinetaqy men járdemaqylardy taǵaiyndaý jáne tóleý protsesterin tsifrlandyrý úshin qajetti derekterdi tolyq tsifrlandyrý men jańartýdy qamtamasyz etýdi júkteimin», - dedi Premer-Ministr.
Úkimet basshysy ákimder men múddeli memlekettik organdar áleýmettik sipattaǵy qyzmetter boiynsha jumysty júieli túrde uiymdastyrýǵa nazar aýdarýy qajettigin basa aitty.
«Servis pen keri bailanys deńgeiin arttyrý qajet. Halyq qajetti memlekettik qyzmetti kezeksiz, artyq eshqaida barmai alýy kerek. Mysaly, qazir úiler paidalanýǵa kóptep tapsyrylyp jatyr, ártúrli turǵyn úi baǵdarlamalary bar. Ipoteka alý jáne kepilge qoiý mehanizmin barynsha jeńildetý qajet», - dedi ol.
Munan bólek, Premer-Ministr ortalyq jáne jergilikti atqarýshy organdarǵa barlyq aqparattyq júielerdiń úzdiksiz jumysy men tiimdi integratsiiasyn qamtamasyz etýdi, olardyń sapasyn arttyrý sharalaryn qabyldaýdy tapsyrdy.
«Olar halyqtyń paidalanýy úshin jeńil bolýy tiis. Memlekettik qyzmetterdi tsifrlandyrý salasyndaǵy jańalyqtardy túsindirý jumysyna erekshe kóńil bólý qajet»,- dedi Asqar Mamin.
