2021 jyly qalalyq jáne aýdandyq bilim berý bólimderi óńirlik basqarý quzyryna beriledi. Bul týraly QR Bilim jáne ǵylym ministri Ashat Aimaǵambetov aityp berdi, dep habarlaidy QazAqparat.
«Bilim berýdi basqarý jáne qarjylandyrý júiesinde eleýli ózgerister júrip jatyr - Memleket basshysynyń Tamyz konferentsiiasynda bergen tapsyrmasymen bilim berý júiesin basqarý úlgisin jańǵyrtyp jatyrmyz. 2021 jyldan bastap, barlyq qalalyq jáne aýdandyq bilim berý bólimderi oblystyq basqarý quzyryna beriledi. Biz óte aýqymdy jumystardy atqaryp kelemiz jáne 2021 jyly bul júie jumys istei bastaidy dep oilaimyn», - dedi ministr Feisbýk jelisinde halyq aldynda esep berý barysynda.
Onyń aitýynsha, mektep direktorlaryn rotatsiialaý institýty da engizilip jatyr.
«Direktorlardy taǵaiyndaýdyń jańa júiesine tiisti ózgertýlerdi ázirledik jáne zańnamaǵa aýdandar men qalalardyń bilim berý bólimderiniń basshylaryn taǵaiyndaý men jumystan shyǵarý boiynsha QR BǴM-men kelisý normasy engizildi», - dedi A. Aimaǵambetov.
