Jańa jyldan bastap jalpyǵa birdei deklaratsiialaýǵa kóshýdiń alǵashqy kezeńi júzege asyrylady, dep habarlaidy "Ult aqparat" QR Qarjy ministrligi Memlekettik kirister komitetiniń baspasóz qyzmetine siltema jasap.
Aita ketetin másele – 2020 jyldyń 10 jeltoqsanynda Prezident «Salyq jáne biýdjetke tólenetin basqa da mindetti tólemder týraly» Qazaqstan Respýblikasynyń Kodeksine (Salyq kodeksi) ózgerister men tolyqtyrýlar engizý týraly» QR Zańyna qol qoidy. Atalmysh qujat normalaryna sáikes, 2021 jyldyń 1 qańtarynan bastap elimizde jalpyǵa birdei deklaratsiialaý júiesi engiziledi.
Memlekettik kirister komitetiniń baspasóz qyzmetiniń málimetterine qaraǵanda, Salyq Kodeksinde jalpyǵa birdei deklaratsiialaýdy tórt kezeńmen júzege asyrý qarastyrylǵan.
2021 jyldyń 1 qańtarynan bastalatyn birinshi kezeńde Aktivter men mindetter jónindegi deklaratsiiany jaýapty memlekettik laýazymdaǵy tulǵalarmen olardyń jubailary; memlekettik fýnktsiialardy oryndaýǵa ýákilettik berilgen jáne olarǵa teńestirilgen tulǵalar men olardyń jubailary, sondai-aq «Qazaqstan Respýblikasyndaǵy sailaý týraly» QR Konstitýtsiialyq Zańyna jáne «Sybailas jemqorlyqqa qarsy is-qimyl týraly», «Qazaqstan Respýblikasyndaǵy bankter jáne bank qyzmeti týraly», «Saqtandyrý qyzmeti týraly», «Baǵaly qaǵazdar rynogy týraly» Qazaqstan Respýblikasynyń zańdaryna sáikes deklaratsiia usyný jónindegi mindet júktelgen tulǵalar tapsyrady.
Bul deklaratsiia, deklaratsiialaý júiesine engizý mezetinde sol ýaqytqa aktivterdiń kólemin belgileý jáne odan ári múliktiń ósimin monitoringileý úshin bir ret usynylady. Joǵaryda atalǵan azamattar aktivter men mindetter týraly derekterdi 2020 jyldyń 31 jeltoqsanyndaǵy jaǵdai boiynsha kórsetýleri tiis.
Atap aitqanda, ol boiynsha quqyq jáne (nemese) kelisimshart shet memleket zańnamasyna sáikes, sol memlekettiń quzyrly organynda memlekettik nemese ózge de tirkeýge jatatyn múlik deklaratsiiada kórsetilýi tiis. Kórsetiletin múlik tizimine sondai-aq, jyljymaityn múlik, jer ýchaskeleri jáne (nemese) jer úlesteri, áýe jáne teńiz kemeleri, ishki sýlarda júzý kemeleri, «ózen-teńiz» júzý kemeleri, kólik quraldary, arnaiy tehnikalar jáne (nemese) tirkemeler, QR aýmaǵynan tys, sheteldik bankterdiń esepshotynda saqtalǵan barlyq banktik salymdary boiynsha respýblikalyq biýdjet týraly zańmen belgilengen jáne esepti salyq kezeńiniń 31 jeltoqsanyna deiingi qoldanystaǵy eń tómengi eseptik kórsetkishtiń 1000 eselengen aqsha qarajaty jatady.
Sonymen qatar, QR-ǵy jáne (nemese) onyń aýmaǵynan tys jerlerdegi múlikteri týraly, iaǵni turǵyn úi qurylysyndaǵy úleskerlik qatysý týraly kelisim boiynsha turǵyn-jaidaǵy úlesi; QR aýmaǵynan tys jerlerde qurylǵan zańdy tulǵanyń jarǵylyq kapitalyndaǵy qatysý úlesi, qundy qaǵazdar, týyndy qarjy quraldary (atqarylýy bazalyq aktivti satyp alý nemese satý arqyly júrgziletin týyndy qarjy quraldarynan ózge), investitsiialyq altyn, intellektýaldyq menshik nysandary, avtorlyq quqyq týraly derekterdi kórsetý qajet.
Sondai-aq, respýblikalyq biýdjet týraly zańda belgilengen jáne jeke tulǵanyń aktivteri men mindettemeleri týraly deklaratsiia tapsyrǵan jyldyń aldyndaǵy jyldyń 31 jeltoqsanyndaǵy jaǵdai boiynsha eseptelgen eń az eseptik kórsetkishtiń 1000 eselengen mólsherinen aspaityn mólsherdegi qolma-qol aqsha; QR-daǵy bankter jáne bank qyzmeti jónindegi Qazaqstan Respýblikasynyń zańdaryna sáikes qurylǵan bankter men bank operatsiialarynyń jekelegen túrlerin júzege asyratyn uiymdar aldyndaǵy bereshekterdi qospaǵanda, mindetteme nemese talap týyndaýyna negiz bolatyn, notarialdy kýálandyrylǵan kelisimshart nemese basqa qujat bolǵan kezde jeke tulǵalardyń bireýler aldyndaǵy qaryzdary (kreditorlyq bereshek) jáne (nemese) basqa tulǵalardyń jeke tulǵa aldyndaǵy qaryzdary (debitorlyq bereshek) kórsetiledi.
Sondai-aq, joǵaryda kórsetilgen tulǵalardyń birlik baǵasy respýblikalyq biýdjet týraly zańda belgilengen jáne esepti salyq kezeńiniń 31 jeltoqsanyna deiin qoldanysta bolatyn eń tómengi eseptik kórsetkishtiń 1000 eselengen mólsherinen asatyn óner týyndysy sekildi jáne t.b., qymbat baǵaly múlki bolǵan jaǵdaida, eger ol Qazaqstan Respýblikasynyń baǵalaý qyzmeti týraly zańnamasyna sáikes baǵalaýshy men salyq tóleýshi arasyndaǵy kelisim boiynsha júzege asyrylǵan baǵalaý týraly esepte aiqyndalǵan mán bolsa, deklaratsiia tapsyrýshy ony óz erki boiynsha deklaratsiiada kórsetýge quqyly.
Memlekettik nemese ózge tirkeýge jatatyn múlikti, sondai-aq olar boiynsha quqyqtar jáne (nemese) mámileler memlekettik nemese ózge de tirkeýge jatatyn múlikterdi qospaǵanda.
Jalpyǵa birdei deklaratsiialaýdyń birinshi kezeńine kiretin adamdar úshin turǵylyqty jeri (kelý orny) boiynsha deklaratsiiany qaǵaz nusqada tapsyrý merzimi – 2021 jyldyń 15 shildesinen keshiktirmei nemese elektrondyq nusqada – 2021 jyldyń 15 qyrkúieginen keshiktirilmeýi tiis.
Odan ári, aktivter men mindettemeler týraly Deklaratsiiany (250.00 SEN) tapsyrǵannan keiin, osy sanattaǵy tulǵalar 2022 jyldyń 1 qańtarynan bastap jyl saiyn kiristeri men múlikteri týraly Deklaratsiia (270.00 SEN) tapsyrýy qajet bolady.
