Ulttyq bank qarjylyq tehnologiialar men ulttyq tólem júiesin damytýǵa baǵyttalǵan birqatar strategiialyq qujatty qabyldady. Bul týraly Úkimettiń keńeitilgen quramdaǵy otyrysynda Ulttyq bank tóraǵasy Erbolat Dosaev málim etti, dep habarlaidy "Ult aqparat".
«Pandemiia jáne elektrondy qyzmetterge suranystyń ósýi jaǵdaiynda Ulttyq bank tsifrlandyrý men qarjylyq tehnologiialardy belsendi túrde damytty. Tsifrlyq qyzmetter úlesin arttyrǵan jańa servisterdi engizýmen birge Ulttyq bank qarjylyq tehnologiialar men ulttyq tólem júiesin damytýǵa baǵyttalǵan birqatar strategiialyq qujatty qabyldady», - dedi E. Dosaev.
Onyń aitýynsha, pandemiia Ekinshi dúniejúzilik soǵystan keiingi eń tereń quldyraýdy bastai otyryp, barlyq eldiń ekonomikasyna áser etti. Negizgi damýshy elderdiń ishinde ekonomikanyń ósýi jalpy ishki ónimi Qytaida ǵana ósken – 2,3%-ǵa, biraq onda sońǵy 45 jyldaǵy eń tómengi deńgei tirkeldi.
«2021 jyly álemdik ekonomikanyń 5,2%-ǵa deiin qalpyna kelýi kútilýde, alaida turaqsyz epidemiologiialyq jaǵdaiǵa, sondai-aq vaktsinalaý protsesiniń jyldamdyǵy men tiimdiligine bailanysty neǵurlym baiaý qalpyna kelý táýekeli saqtalyp otyr», - dedi UB basshysy.
