Qazaqstannyń depozitterge kepildik berý qory (QDKBQ) teńgelik depozitter boiynsha 2021 jyldyń qańtar aiyna usynylatyn eń joǵary syiaqy mólsherlemesin bekitti. Olar burynǵy deńgeiinde saqtaldy. Bul týraly Qordyń baspasóz qyzmeti habarlady.
«Qazaqstannyń Ulttyq bankiniń bazalyq mólsherlemesiniń máni qaita qaralmaǵandyqtan, qysqa merzimdi depozitter boiynsha usynylatyn maksimaldy mólsherlemeler ózgerissiz qalady. Olar bazalyq mólsherlemege sáikestendirilgendigin aita ketken jón. Sondai-aq naryqtyq trendter negizinde esepteletin uzaq merzimdi depozitter boiynsha mólsherlemeler de saqtaldy. Tolyqtyrý quqyǵy joq, 12 aiǵa arnalǵan jinaq salymdar teńgelik depozitter ishinde eń abystysy bolyp qala bermek – 14%», - delingen habarlamada.
Aita ketsek, jinaq depozitterdiń erekshe ózshelikteriniń biri – merziminen buryn aqsha alýǵa qatań shekteý qoiylǵandyǵynda. Sol úshin de bankter olar boiynsha eń joǵary mólsherlemeler usynady. Odan basqa, teńgedegi jinaq depozitter boiynsha 15 mln teńge kóleminde joǵary kepildik somasy qarastyrylǵan.
