Elimizdiń Qarjy ministrligi «2021-2023 jyldarǵa arnalǵan respýblikalyq biýdjet týraly» QR Zańynyń jobasyn ázirledi. Zań jobasy «ashyq úkimet» portalynda jariialandy, dep habarlaidy "Ult aqparat".
«2021 jylǵy 1 qańtardan bastap: jalaqynyń eń tómen mólsheri – 42 500 teńge; memlekettik bazalyq zeinetaqy tóleminiń eń tómen mólsheri – 18 524 teńge; zeinetaqynyń eń tómen mólsheri – 42 272 teńge; járdemaqylardy jáne ózge de áleýmettik tólemderdi esepteý, sondai-aq Qazaqstan Respýblikasynyń zańnamasyna sáikes aiyppul sanktsiialaryn, salyqtardy jáne basqa da tólemderdi qoldaný úshin ailyq eseptik kórsetkish – 2 917 teńge; bazalyq áleýmettik tólemderdiń mólsherlerin esepteý úshin eń tómen kúnkóris deńgeiiniń shamasy – 34 302 teńge bolyp belgilensin», - delingen zań jobasynda.
