Elbasy jariialaǵan Jastar jyly sheńberinde Nur-Sultan, Almaty jáne Shymkent qalalarynda jumys isteitin jastardyń turǵyn úi problemasyn sheshý boiynsha sharalar qabyldandy. Bul týraly QR Indýstriia jáne infraqurylymdyq damý ministrliginiń keńeitilgen alqa májilisinde aityldy, dep habarlaidy QazAqparat.
«2019-2021 jyldary 9 myńnan astam jas býyndy jalǵa beriletin turǵyn úimen qamtamasyz etý kózdelgen. Olar osyndai turǵyn úide turyp, 5 jyl ishinde turǵyn úi qurylys jinaq júiesi boiynsha óz baspanasyna dep qarajat jinaýy tiis. 2019 jyly osyndai páter 3004 qatysýshyǵa berildi», - deidi QR Indýstriia jáne infraqurylymdyq damý birinshń vitse-ministri Qaiyrbek Óskenbaev.
Ol el azamattarynyń turmys jaǵdaiyn jaqsartý úshin birqatar sharalar qabyldanyp jatqanyn aitty.
«Aýyzsýǵa qoljetimdilikti qamtamasyz etý úshin 2019 jyly Óńirlerdi damytý baǵdarlamasy boiynsha quny 125 mlrd teńge bolatyn 400-den astam joba iske asyryldy. Bul halyqty qalalarda ortalyqtandyrylǵan sýmen jabdyqtaý deńgeiin 97,2%-ǵa jáne aýyldarda 86,4%-ǵa deiin arttyrýǵa múmkindik berdi. Biyl osy kórsetkishti qalalarda 97,5%-ǵa jáne aýyldarda 87,7%-ǵa deiin jetkizý josparlanǵan», - deidi ol.
.jpeg)