Iskerlik belsendilik daǵdarysqa deiingi deńgeige qarai qalpyna kelip jatyr. Bul týraly Úkimettiń keńeitilgen quramdaǵy otyrysynda Ulttyq bank tóraǵasy Erbolat Dosaev málim etti, dep habarlaidy QazAqparat.
«Qazaqstanda 2020 jyldyń qorytyndysy boiynsha jalpy ishki ónimniń qysqarýy 2,6% boldy, bul qabyldanǵan daǵdarysqa qarsy buryn-sońdy bolmaǵan sharalardyń arqasynda jalpy álemdik quldyraýdan (4,4%) aitarlyqtai tómen. 2020 jyldyń 2-shi toqsanynda rekord quldyraýdan keiin iskerlik belsendilik daǵdarysqa deiingi deńgeige qarai qalpyna kelýde. Ulttyq banktiń boljamy boiynsha, 2021 jyldyń 2-shi toqsanynan bastap Qazaqstan ekonomikasy oń traektoriiaǵa shyǵady», - dedi E. Dosaev.
Onyń aitýynsha, 2021 jyldyń qorytyndysy boiynsha munai baǵasy bir barrel úshin 45 AQSh dollary bolǵan kezde 3,7-4 paiyzǵa deńgeiinde ósedi dep kútiledi.
