Keler jyldyń 1 qańtarynan bastap elimizde ailyq eseptik kórsetkish (AEK) 2917 teńge mólsherinde belgilendi. Soǵan orai zeinetaqy, járdemaqy, ózge de áleýmettik tólemder, salyqtar men aiyppuldar mólsheri ózgeredi, dep habarlaidy "Ult aqparat".
Atap aitqanda, 2021 jyldyń 1 qańtarynan:
- jalaqynyń eń tómengi mólsheri - 42 500 teńge;
- memlekettik bazalyq zeinetaqy tóleminiń eń tómengi mólsheri - 18 524 teńge;
- zeinetaqynyń eń tómengi mólsheri - 43 272 teńge bolady.
Al járdemaqylardy jáne ózge de áleýmettik tólemderdi esepteý, sondai-aq Qazaqstan Respýblikasynyń zańnamasyna sáikes aiyppul sanktsiialaryn, salyqtardy jáne basqa da tólemderdi qoldaný úshin ailyq eseptik kórsetkish - 2917 teńge mólsherinde belgilenedi.
Bazalyq áleýmettik tólemderdiń mólsherlerin esepteý úshin eń tómen kúnkóris deńgeiiniń shamasy - 34 302 teńge bolyp bekitiledi.
Jasyna bailanysty zeinetaqy tólemderine jáne eńbek sińirgen jyldary úshin zeinetaqy tólemderine jumsalatyn qarajat 1 qańtardan bastap olardyń mólsherlerin 7 paiyzǵa kóterý eskerile otyryp kózdeledi.
Sondai-aq 1 qańtardan áleýmettik meditsinalyq saqtandyrý qoryna tóleýge jatatyn mindetti áleýmettik meditsinalyq saqtandyrýǵa memleket jarnalarynyń mólsheri memleket jarnalaryn esepteý obektisinen 1,6 paiyz dep belgilenedi.
Budan bólek, áskeri qyzmetshilerge (merzimdi qyzmettegi áskeri qyzmetshilerden basqa) jáne arnaýly memlekettik jáne quqyq qorǵaý organdarynyń, memlekettik feldegerlik qyzmettiń qyzmetkerlerine turǵynjaidy kútip-ustaýǵa jáne kommýnaldyq qyzmetterge aqy tóleýge aqshalai ótemaqynyń ailyq mólsheri 3 739 teńge somasynda bolady.
