Qazaqstanda 2021 jyldan bastap JOO diplomdy ózderi beredi. Bul týraly OKQ-de ótken baspasóz máslihatynda QR BǴM vitse-ministri Ashat Aimaǵambetov málim etti, dep habarlaidy QazAqparat tilshisi.
«Qazir barlyq joǵary oqý oryndarynda memlekettik úlgidegi diplom beriledi. Bul óz kezeginde memlekettik turǵydan kepildik beredi. Al 2021 jyldan bastap bizdiń ýniversitetter óz úlgisindegi diplom bere bastaidy. Sol arqyly ýniversitet diplom úshin, ózderiniń ataq-abyroiy úshin óz atynan jaýap beretin bolady. Mysaly, Ál-Farabi atyndaǵy QazUÝ diplomy bolsa, oǵan sol ýniversitet jaýap beredi. Sonda jumys berýshi de JOO bilim berý sapasy men deńgeiine qarap túlekterdi jumysqa alatyn bolady», - dedi vitse-ministr Ashat Aimaǵambetov.
Sonymen qatar, Bilim jáne ǵylym ministriniń orynbasary JOO sertifikattaý máselesine de toqtaldy.
«Búginde qolǵa alynyp jatqan ózgeristerdiń biri - ýniversitterdi sertifikattaý. Bizde ulttyq biliktilik sheńberi aiasynda professorlyq standarttarǵa súiene otyryp, JOO sertifikattaý júiesi bar. Ol ne úshin deseńizder, Qazaqstanda kei mamandyqtar boiynsha dimlom bolǵanymen, ol jumysqa túrýǵa kepildik bermeidi, ol úshin arnaiy sertifikaty bolýy kerek, ásirese meditsina mamandyqtary boiynsha. Osy maqsatta ýniversitetter diplommen qatar, bitirgen mamandyǵy boiynsha sertifikat berýi tiis», - dedi vitse-ministr.
Vitse-ministrdiń aitýynsha, joǵaryda atalǵan ózgerister elimizdegi JOO-daǵy bilim sapasyn jaqsartyp qana qoimai, ózara básekelestikti de kúsheitedi.
