قازاقستاندا 2021 جىلدان باستاپ جوو ديپلومدى ٶزدەرٸ بەرەدٸ. بۇل تۋرالى وكق-دە ٶتكەن باسپاسٶز مەسليحاتىندا قر بعم ۆيتسە-مينيسترٸ اسحات ايماعامبەتوۆ مەلٸم ەتتٸ, دەپ حابارلايدى قازاقپارات تٸلشٸسٸ.
«قازٸر بارلىق جوعارى وقۋ ورىندارىندا مەملەكەتتٸك ٷلگٸدەگٸ ديپلوم بەرٸلەدٸ. بۇل ٶز كەزەگٸندە مەملەكەتتٸك تۇرعىدان كەپٸلدٸك بەرەدٸ. ال 2021 جىلدان باستاپ بٸزدٸڭ ۋنيۆەرسيتەتتەر ٶز ٷلگٸسٸندەگٸ ديپلوم بەرە باستايدى. سول ارقىلى ۋنيۆەرسيتەت ديپلوم ٷشٸن, ٶزدەرٸنٸڭ اتاق-ابىرويى ٷشٸن ٶز اتىنان جاۋاپ بەرەتٸن بولادى. مىسالى, ەل-فارابي اتىنداعى قازۇۋ ديپلومى بولسا, وعان سول ۋنيۆەرسيتەت جاۋاپ بەرەدٸ. سوندا جۇمىس بەرۋشٸ دە جوو بٸلٸم بەرۋ ساپاسى مەن دەڭگەيٸنە قاراپ تٷلەكتەردٸ جۇمىسقا الاتىن بولادى», - دەدٸ ۆيتسە-مينيستر اسحات ايماعامبەتوۆ.
سونىمەن قاتار, بٸلٸم جەنە عىلىم مينيسترٸنٸڭ ورىنباسارى جوو سەرتيفيكاتتاۋ مەسەلەسٸنە دە توقتالدى.
«بٷگٸندە قولعا الىنىپ جاتقان ٶزگەرٸستەردٸڭ بٸرٸ - ۋنيۆەرسيتتەردٸ سەرتيفيكاتتاۋ. بٸزدە ۇلتتىق بٸلٸكتٸلٸك شەڭبەرٸ اياسىندا پروفەسسورلىق ستاندارتتارعا سٷيەنە وتىرىپ, جوو سەرتيفيكاتتاۋ جٷيەسٸ بار. ول نە ٷشٸن دەسەڭٸزدەر, قازاقستاندا كەي ماماندىقتار بويىنشا ديملوم بولعانىمەن, ول جۇمىسقا تٷرۋعا كەپٸلدٸك بەرمەيدٸ, ول ٷشٸن ارنايى سەرتيفيكاتى بولۋى كەرەك, ەسٸرەسە مەديتسينا ماماندىقتارى بويىنشا. وسى ماقساتتا ۋنيۆەرسيتەتتەر ديپلوممەن قاتار, بٸتٸرگەن ماماندىعى بويىنشا سەرتيفيكات بەرۋٸ تيٸس», - دەدٸ ۆيتسە-مينيستر.
ۆيتسە-مينيستردٸڭ ايتۋىنشا, جوعارىدا اتالعان ٶزگەرٸستەر ەلٸمٸزدەگٸ جوو-داعى بٸلٸم ساپاسىن جاقسارتىپ قانا قويماي, ٶزارا بەسەكەلەستٸكتٸ دە كٷشەيتەدٸ.
