Túrikmenstan prezidenti Konstitýtsiiaǵa ózgerister men tolyqtyrýlar engizý týraly zańǵa qol qoidy, dep habarlaidy Túrikmenstan memlekettik aqparat agenttigi.
Besinshi shaqyrylym Medjlisi kezekti otyrysynyń kún tártibine shyǵarylǵan Konstitýtsiialyq keńestiń «Túrikmenstan Konstitýtsiiasyna ózgerister men tolyqtyrýlar engizý týraly» jobasy biraýyzdan maquldanyp, qabyldandy.
Túrikmen kóshbasshysy barlyǵyn Halq Maslahaty men Medjlis qyzmetin jetildirýge qatysty «Túrikmenstan Konstitýtsiiasyna ózgerister men tolyqtyrýlar engizý týraly» Konstitýtsiialyq Zańnyń qabyldanýymen, sondai-aq zań shyǵarýshy qyzmetin júzege asyratyn organdardyń ekipalataly qurylymynyń qurylýymen quttyqtady.
Túrikmenstannyń «Túrikmenstan Konstitýtsiiasyna ózgerister men tolyqtyrýlar engizý týraly» Konstitýtsiialyq Zańy 2021 jyldyń 1 qańtarynan bastap qoldanysqa engiziledi.
Osyǵan bailanysty Túrikmenstan Halq Maslahatynyń qyzmeti toqtatylady.
Konstitýtsiialyq Zańǵa sáikes, Túrikmenstan Ulttyq Keńesi Halq Maslahaty palatasynyń alǵashqy múshelerin Túrikmenstan prezidenti taǵaiyndaidy.
