Biyl Qazaqstan oqýshylary halyqarlyq pándik olimpiadalarda 2 altyn, 13 kúmis jáne 11 qola medal jeńip aldy. Bul týraly Bilim jáne ǵylym ministri Ashat Aimaǵambetov málim etti, dep habarlaidy "Ult aqparat".
«2021 jyl qazaqstandyq oqýshylar úshin oljaly boldy. Biyl shákirtter álemdik olimpiadalarda 31 medaldiń 26-yn jeńip alyp, sońǵy jyldardaǵy rekordty jańartty. Bilim alýshylar el qorjynyna 2 altyn, 13 kúmis jáne 11 qola medal saldy.
Biylǵy Qazaqstan halqyna Joldaýynda Memleket basshysy Qasym-Jomart Kemeluly Toqaev daryndy balalardy qoldaý úshin sharalar ázirleýdi tapsyrdy. Bul mindetti iske asyrý úshin ministrlik zańnamaǵa túzetýler ázirledi. Qazir zań jobasy QR Parlamenti Májilisiniń qaraýyna engizildi.
Túzetýler halyqaralyq pán olimpiadalarynyń júldegerlerine joǵary oqý oryndaryna UBT-syz, iaǵni konkýrstan tys negizde bilim alý úshin granttar berýdi, sondai-aq osy olimpiadalardyń jeńimpazdary men júldegerleri jáne olardy daiarlaǵan pedagog-jattyqtyrýshylarǵa da birjolǵy aqshalai syiaqy tóleýdi kózdeidi.
Oqýshylardy yntalandyrý úshin altyn medal iegerlerine — 1500 AEK, kúmis medal – 1000 AEK, qola medal – 500 AEK kóleminde aqshalai syiaqy taǵaiyndaý josparlanyp otyr», - dep jazdy ministr Facebook paraqshasynda.
