QR Bilim jáne ǵylym ministri Ashat Aimaǵambetov Facebook paraqshasynda 2021 jyly iske asqan bastamalar týraly keń aýqymdy jazba jariialady, dep habarlaidy QazAqparat.
«Biz josparlarymyz ben usynystarymyz týraly jii jazamyz. Biraq sonymen qatar sizderge atqarylǵan jumystar týraly aqparat berý mańyzdy dep esepteimin.
Sondyqtan ótken jyly bilim jáne ǵylym salasynda qabyldanǵan keibir mańyzdy sharalarǵa toqtalǵym keledi», - dep bastaǵan vedomstvo basshysy ár bastamaǵan qysqasha toqtalady.
Ministr bul tizimniń basyna Álippeniń baǵdarlamaǵa qaita enýin qoiǵan.
«Elimizdiń barlyq mektebiniń birinshi synyptarynda Ahmet Baitursynovtyń ádistemesi negizinde ázirlengen «Álippe» jáne «Býkvar» engizildi», - dep jazdy ol.
Sondai-aq, ol 2021 jyldyń qańtar aiynan bastap mektep muǵalimderiniń, balabaqsha tárbieshileri men kolledj oqytýshylarynyń jalaqysy 25% óskenin eske saldy.
Aitýynsha, bul ósim biyl da jalǵasyn taýyp otyr.
«Osy jyldyń qańtar aiynan bastap taǵy 25% óskenin aita ketken jón. Sonymen qatar, 2021 jyldyń qyrkúieginen bastap pedagogterdiń jumys júktemesi azaityldy. Bul bir stavka úshin muǵalimder endi aptasyna 18 saǵat emes, 16 saǵat jumys isteitinin bildiredi», - dep jazdy Ashat Aimaǵabetov.
