قر بٸلٸم جەنە عىلىم مينيسترٸ اسحات ايماعامبەتوۆ Facebook پاراقشاسىندا 2021 جىلى ٸسكە اسقان باستامالار تۋرالى كەڭ اۋقىمدى جازبا جارييالادى, دەپ حابارلايدى قازاقپارات.
«بٸز جوسپارلارىمىز بەن ۇسىنىستارىمىز تۋرالى جيٸ جازامىز. بٸراق سونىمەن قاتار سٸزدەرگە اتقارىلعان جۇمىستار تۋرالى اقپارات بەرۋ ماڭىزدى دەپ ەسەپتەيمٸن.
سوندىقتان ٶتكەن جىلى بٸلٸم جەنە عىلىم سالاسىندا قابىلدانعان كەيبٸر ماڭىزدى شارالارعا توقتالعىم كەلەدٸ», - دەپ باستاعان ۆەدومستۆو باسشىسى ەر باستاماعان قىسقاشا توقتالادى.
مينيستر بۇل تٸزٸمنٸڭ باسىنا ەلٸپپەنٸڭ باعدارلاماعا قايتا ەنۋٸن قويعان.
«ەلٸمٸزدٸڭ بارلىق مەكتەبٸنٸڭ بٸرٸنشٸ سىنىپتارىندا احمەت بايتۇرسىنوۆتىڭ ەدٸستەمەسٸ نەگٸزٸندە ەزٸرلەنگەن «ەلٸپپە» جەنە «بۋكۆار» ەنگٸزٸلدٸ», - دەپ جازدى ول.
سونداي-اق, ول 2021 جىلدىڭ قاڭتار ايىنان باستاپ مەكتەپ مۇعالٸمدەرٸنٸڭ, بالاباقشا تەربيەشٸلەرٸ مەن كوللەدج وقىتۋشىلارىنىڭ جالاقىسى 25% ٶسكەنٸن ەسكە سالدى.
ايتۋىنشا, بۇل ٶسٸم بيىل دا جالعاسىن تاۋىپ وتىر.
«وسى جىلدىڭ قاڭتار ايىنان باستاپ تاعى 25% ٶسكەنٸن ايتا كەتكەن جٶن. سونىمەن قاتار, 2021 جىلدىڭ قىركٷيەگٸنەن باستاپ پەداگوگتەردٸڭ جۇمىس جٷكتەمەسٸ ازايتىلدى. بۇل بٸر ستاۆكا ٷشٸن مۇعالٸمدەر ەندٸ اپتاسىنا 18 ساعات ەمەس, 16 ساعات جۇمىس ٸستەيتٸنٸن بٸلدٸرەدٸ», - دەپ جازدى اسحات ايماعابەتوۆ.
