2021-2022 oqý jylynda magistratýraǵa túsý úshin 13 myńnan astam grant, doktorantýraǵa – 1800-den astam grant bólindi.
Bilim berý granttary QR Eńbek jáne halyqty áleýmettik qorǵaý ministrliginiń derekterine jáne jumys berýshilerdiń suranysqa ie mamandyqtar týraly aqparatyna sáikes bólingen, dep habarlaidy "Ult aqparat" QR Bilim jáne ǵylym ministrliginiń baspasóz qyzmetine silteme jasap.
Magistratýrada oqýǵa granttardyń kóp sany pedagogikalyq mamandyqtar boiynsha qarastyrylǵan – 3 642 grant. Injenerlik, óńdeý jáne qurylys salalaryna – 3429, jaratylystaný ǵylymdary, matematika jáne statistika baǵyty boiynsha – 1278, aqparattyq-kommýnikatsiialyq tehnologiialar boiynsha – 1233, aýyl sharýashylyǵy jáne bioresýrstar boiynsha – 527 grant bólindi.
Esterińizge sala keteiik, magistratýraǵa túsý úshin keshendi testileýden ótýge niet bildirýshilerdi tirkeý 18 maýsymda bastalyp, 15 shildege deiin jalǵasady. Emtihan 20 shildede bastalady.
«Talapkerlerge yńǵaily bolý úshin biz testileý nátijelerimen kelispegen jaǵdaida apelliatsiiaǵa berý júiesin ózgerttik. Ol elektrondyq formatta ótedi. Endi talapker testileý aiaqtalǵannan keiin 30 minýt ishinde birden apelliatsiiaǵa ótinish bere alady», – dep habarlady QR Bilim jáne ǵylym vitse-ministri Qýanysh Erǵaliev.
