Biyl Túrkistan qalasynyń turǵyndarynyń 60 paiyzǵa jýyǵy tabiǵi gazben qamtylady. Al, 2020 jyly qala tolyǵymen tabiǵi gazben qamtylmaq. Bul týraly qala ákimi Álipbek Óserbaev halyq aldyndaǵy esebinde málimdedi, dep habarlaidy "Ult aqparat".
«Qalany gazben qamtý 3 kezeńmen júzege asyrylýda. I kezeńniń jumystary boiynsha 10518 abonentke gaz qubyry júrgizilip, 43 myńǵa jýyq qala turǵynyna tabiǵi gaz berildi. Búginde II-III kezeńniń quny 20 mlrd 271 mln teńgeni quraityn 11 jobasy ázirlenip, qurylys jumystary bastaldy», -dedi qala basshysy.
Sonymen qatar, qala turǵyndaryn elektr energiiasymen qamtý búginde 99,8 paiyzdy qurap otyr. Esepti merzimde 2 nysannyń qurylysy aiaqtalyp, qala aýmaǵyndaǵy 1566 abonent sapaly elektr qýatymen qamtamasyz etildi.
