2020 jyly rekordty 15,3 mln sharshy metr turǵyn úi paidalanýǵa berildi. Bul týraly Úkimet otyrysynda QR Ulttyq ekonomika ministri Rýslan Dálenov aitty, dep habarlaidy QazAqparat.
«Qurylys sektorynda 11,2 paiyz deńgeiinde joǵary ósim baiqalady. Qyzylorda oblysyn esepke almaǵanda, barlyq óńirlerde ósý tirkeldi. Qurylys jumystarynyń joǵary ósýin Túrkistan oblysy jáne Shymkent qalasy kórsetti», - dedi ministr.
Onyń atap ótýinshe, 2020 jyly rekordty 15,3 mln sharshy metr turǵyn úi paidalanýǵa berildi.
«Bul ótken jylmen salystyrǵanda 16,8 paiyzǵa joǵary. Tómendeý Qyzylorda jáne Atyraý oblystarynda tirkeldi», - dedi Rýslan Dálenov.
