2020 jyldyń 12 aiynyń qorytyndysy boiynsha óńdeý ónerkásibiniń barlyq baǵyttary boiynsha ósim baiqalady. Metallýrgiiada óndiris kólemi 2,6% - ǵa artty.
Bul málimetterdi QR Indýstriia jáne infraqurylymdyq damý ministrliginiń baspasóz qyzmeti málim etti, dep habarlaidy "Ult aqparat".
Mysaly, tústi metallýrgiiada óndiris kólemi 2,8% - ǵa ósti. Qazaqstandaǵy eń iri mys óndirýshi «Qazaqmys korporatsiiasy» tazartylǵan mys óndirý kólemin 5% - ǵa, quima altyndy 35% - ǵa, sondai-aq túiirshikti kúmisti 17% - ǵa ulǵaitty.
Sonymen qatar, «Qazaqstan elektroliz zaýyty» bastapqy aliýminii óndirisiniń kólemin ulǵaitty. «Taý-Ken Altyn» kásiporny da oń kórsetkishterge qol jetkizdi. Óndiris oshaǵy tazartylǵan altyn óndirý kólemin 4% - ǵa, kúmis óndirý kólemin 46,7% - ǵa ulǵaitty.
«Esterińizge sala keteiik, kásiporyn óz ónimderiniń joǵary sapasyn taǵy bir márte dáleldep, senimdi jetkizýshi retinde álemdik moiyndaýǵa ie boldy. Tazalyǵy 99,99% - dan kem emes altyn óndiretin affinaj zaýyty London baǵaly metaldar naryǵy qaýymdastyǵynyń «GoodDelivery» sertifikatyn aldy. Osy sertifikaty bar baǵaly metaldar shekteýsiz barlyq álemdik birjalarda saýdaǵa qabyldanady»,-delingen habarlamada.
12 aidyń qorytyndysy boiynsha qara metallýrgiiada ósim 4,1% - dy qurady. Qostanaidaǵy «Evraz Kaspian Stal» zaýyty armatýralyq jaima óndirisiniń kólemin 7% - ǵa ulǵaitty. Armatýralyq jaima memlekettik standarttarǵa sáikes shyǵarylady. Ónimniń sapasy zaýyttyń synaq zerthanasynda jańa tehnologiialyq jabdyqtarmen jáne baqylaýmen qamtamasyz etiledi.
Sondai-aq, «Taraz metallýrgiia zaýyty» ferrosilikomarganets óndirisiniń kólemin 27% - ǵa, «Kasting» JShS armatýralardy, sharlardy jáne domalaq shybyqtardy taýarlyq shyǵarýdy 4,2% - ǵa ulǵaitty.
