QR Bilim jáne ǵylym ministri Ashat Aimaǵambetov bilim salasynda qazaq tili álipbiin latyn grafikasyna kóshirý úrdisi týraly túsinikteme berdi, dep habarlaidy "Ult aqparat".
«Qanatqaqty jobanyń maqsaty tiisti nátije alýǵa negizdelgen. Qazirgi kezde Mádeniet ministrligine osy baǵytta pysyqtaý sharalaryn júrgizý týraly tapsyrma berildi. Iaǵni erejeler bekitilgennen keiin, biz qajetti jumystardy iske asyramyz», - dep toqtaldy ministr.
Osy oraida latyn grafikasyndaǵy jańa álipbige kóshý protsesi uzaq ekenin atap ótti.
«Búginde bul baǵytta tiisti jetildirý jumystaryn júrgizý týraly Prezidenttiń tapsyrmasy bar. Ázirge, jan-jaqty pysyqtalǵan ári bekitilgen nusqasy joq, sondyqtan 2020 jyly mektepte latyn grafikasyndaǵy álipbimen oqytylady dep aita almaimyz. Bul baǵyttaǵy jumystar tiisti ýaqytty qajet etedi. Aldymen erejelerdi bekitý kerek, keiinnen qanatqaqty joba júrgiziledi. Tek osydan keiin ǵana biz qajetti daiyndyqty júrgizemiz. Osy sharalar atqarylǵannan soń, oqý-ádistemelik quraldar men oqýlyqtar ázirlenedi», - dedi Aimaǵambetov.
