Ótken jyly «Qytai-Eýropa» temirjol ekspresi boiynsha 10 myńnan astam júk poiyzy jóneltildi. Bul rette, 2020 jyldyń 10 aiyndaǵy júk ainalymy 2019 jylǵy jalpy kólemnen asyp túsken. Bul týraly «Xinhua» agenttigi habarlady.
«2020 jyly «Qytai-Eýropa» temirjol ekspresi boiynsha 10 myńnan astam júk poiyzy jóneltildi», - dedi QHR Syrtqy ister ministri Van I «Xinhua»-ǵa bergen suhbatynda.
SIM basshysy atap ótkendei, Qytai «Bir beldeý, bir jol» bastamasy jáne ózge elderdiń damý strategiialary arasyndaǵy sinergiiany tereńdetý jolynda barlyq tarappen yntymaqtastyqta jumys isteitin bolady.
«Bailanystardy nyǵaityp, ekonomikalyq qyzmetti jandandyrý arqyly, sondai-aq densaýlyq saqtaý, tsifrlyq ekonomika jáne «jasyl» damý syndy ósimniń jańa draiverleriniń áleýetin qoldana otyryp, anaǵurlym sapaly yntymaqtastyqqa qol jetkize alamyz dep oilaimyn», - dedi Van I.
Eske salaiyq, Qazaqstan men Qytai arasynda «Nurly jol» Jańa ekonomikalyq saiasatyn jáne «Jibek joly ekonomikalyq beldeýi» qurylysyn toǵystyrý boiynsha birlesken jumystardyń jańa baǵyttary aiqyndalǵan. Atalǵan eki jobada da basymdyqty salalarǵa kólik jáne logistika, ónerkásip, energetika jáne basqalary jatady.
