Ótken jyly koronavirýs infektsiiasynan ólim-jitimge qatysty naqty derek 4 729 adamdy quraidy. Bul týraly QR Densaýlyq saqtaý vitse-ministri Ajar Ǵiniiat aitty, dep habarlaidy "Ult aqparat".
«Osy jyldyń naýryz aiynyń sońyna deiin jyl saiyn óńirlerden kelip túsetin jyldyq esepterdiń, sonymen qatar Ulttyq statistika biýro qorytyndysy boiynsha ólim týraly kýálikti azamattardyń hal aktilerine kesh tirkeýdiń barlyq jaǵdaiy eskerildi», - dedi vitse-ministr Ortalyq kommýnikatsiialar qyzmetindegi baspasóz máslihaty barysynda.
Onyń atap ótýinshe, Densaýlyq saqtaý ministrligi Ulttyq statistika biýrosymen birge barlyq statistikalyq derekterdi salystyra tekserip shyqqan.
«Ótken jyly koronavirýs infektsiiasynan ólim-jitimge qatysty naqty derek 4 729 adamdy quraidy. Onyń ishinde koronavirýs infektsiiasymen birizdendirilgen – 1 783 adam, naqtylanbaǵan koronavirýs infektsiiasynan – 2 946 adam», - dedi Ajar Ǵiniiat.
