ٶتكەن جىلى كوروناۆيرۋس ينفەكتسيياسىنان ٶلٸم-جٸتٸمگە قاتىستى ناقتى دەرەك 4 729 ادامدى قۇرايدى. بۇل تۋرالى قر دەنساۋلىق ساقتاۋ ۆيتسە-مينيسترٸ اجار عينييات ايتتى, دەپ حابارلايدى "ۇلت اقپارات".
«وسى جىلدىڭ ناۋرىز ايىنىڭ سوڭىنا دەيٸن جىل سايىن ٶڭٸرلەردەن كەلٸپ تٷسەتٸن جىلدىق ەسەپتەردٸڭ, سونىمەن قاتار ۇلتتىق ستاتيستيكا بيۋرو قورىتىندىسى بويىنشا ٶلٸم تۋرالى كۋەلٸكتٸ ازاماتتاردىڭ حال اكتٸلەرٸنە كەش تٸركەۋدٸڭ بارلىق جاعدايى ەسكەرٸلدٸ», - دەدٸ ۆيتسە-مينيستر ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا.
ونىڭ اتاپ ٶتۋٸنشە, دەنساۋلىق ساقتاۋ مينيسترلٸگٸ ۇلتتىق ستاتيستيكا بيۋروسىمەن بٸرگە بارلىق ستاتيستيكالىق دەرەكتەردٸ سالىستىرا تەكسەرٸپ شىققان.
«ٶتكەن جىلى كوروناۆيرۋس ينفەكتسيياسىنان ٶلٸم-جٸتٸمگە قاتىستى ناقتى دەرەك 4 729 ادامدى قۇرايدى. ونىڭ ٸشٸندە كوروناۆيرۋس ينفەكتسيياسىمەن بٸرٸزدەندٸرٸلگەن – 1 783 ادام, ناقتىلانباعان كوروناۆيرۋس ينفەكتسيياسىنان – 2 946 ادام», - دەدٸ اجار عينييات.
