2020 jyly aýyl sharýashylyǵy salasy 5,6 paiyzǵa ósti. Bul týraly Úkimet otyrysynda QR Ulttyq ekonomika ministri Rýslan Dálenov aitty, dep habarlaidy "Ult aqparat".
«2020 jyly aýyl sharýashylyǵy 5,6 paiyzdyq ósimmen oń aimaqqa shyqty. Bul azyq-túlikpen qamatamasyz etýdi jaqsartýǵa múmkindik berdi. Ósimdik sharýashylyǵy 7,8, mal sharýashylyǵy 3 paiyz ósti», - dedi ol.
Ministrdiń dereginshe, 13 óńirde aýyl sharýashylyǵy ósiminiń oń serpin baiqalady.
«Joǵary ósimdi Qostanai jáne Aqmola oblystary kórsetti. Bul rette, tómendeý Mańǵystaý jáne Batys Qazaqstan oblystarynda tirkeldi», - dedi Rýslan Dálenov.
