2020 jyly 700 myń kásipker salyqtyq jeńildik aldy. Bul týraly Úkimettiń keńeitilgen otyrysynda Premer-Ministr Asqar Mamin aitty, dep habarlaidy QazAqparat.
«Daǵdarysqa qarsy sharalardyń 3 toptamasy qabyldanyp iske asyryldy. Bul: halyq pen biznesti qoldaý jónindegi shuǵyl sharalar, áleýmettik-ekonomikalyq turaqtylyqty saqtaý jónindegi jedel sharalar jáne ekonomikalyq ósimdi qalpyna keltirý jónindegi keshendi jospar. Osynyń arqasynda 700 myń kásipker salyqtyq jeńildik aldy. Ziian shekken salalardaǵy qaryz alýshylardyń 80 paiyz kreditterdi tóleý merzimin keiinge aýystyrý boiynsha jeńildikterdi paidalandy», - dedi Asqar Mamin.
Premer-Ministrdiń dereginshe, kásipkerlerdiń 40 myńǵa jýyq jobasy qarjylandyryldy.
«Úkimettiń ekonomika men halyqty qoldaýǵa arnalǵan daǵdarysqa qarsy sharalarynyń jalpy kólemi 6,3 trln teńgeni qurady. Bul jalpy ishki ónimniń 9 paiyzy»,- dedi Úkimet basshysy.
