Búgin Nur-Sultanda Aqparat jáne qoǵamdyq damý ministrliginiń bastamasymen onlain formatta uiymdastyrylǵan «Jańa jaǵdaidaǵy jastar: is-qimyl kezeńi» taqyrybynda «ZEREN» respýblikalyq jastar bilim jobasynyń jabylýy ótti.
Ministrlik málimetinshe, sharaǵa QR Parlamenti Senatynyń tóraǵasy Máýlen Áshimbaev, Aqparat jáne qoǵamdyq damý ministri Aida Balaeva, Prezidenttik jastar kadrlyq rezerviniń músheleri, jastar birlestikteriniń kóshbasshylary, volonterler, «Bolashaq» stipendiattary, elimizdiń barlyq óńirlerinen kolledjder men joǵary oqý oryndarynyń stýdentteri qatysty.
Jiynda sóz alǵan Senat Tóraǵasy Máýlen Áshimbaev qatysýshylardy kele jatqan Táýelsizdik kúnimen quttyqtap, jastardyń egemendikti saqtaýdaǵy jáne memlekettilikti nyǵaitýdaǵy mańyzdy rólin atap ótti.
Ministr Aida Balaeva «Bul joba – jastar úshin tek bilim alatyn emes, belgili tulǵalarmen kezdesip, jańa tanystyqqa jol ashatyn alań. «Zeren» jobasynyń eń basty maqsaty da osy», dep atap ótti.
2020 jyly týyndaǵan sanitarlyq-epidemiologiialyq jaǵdaiǵa bailanysty joba onlain formatta ótkizildi jáne jastardyń ózin-ózi damytýǵa, jas urpaqtyń pikiri prizmasy arqyly «Halyq únine qulaq asatyn memleket» ideiasyn iske asyrýǵa jaǵdai jasaityn jańa shyndyqtardy jan-jaqty toptastyrýǵa baǵyttalǵan.
Is-sharanyń bul formaty elimizdiń túkpir-túkpirinen kelgen 4500-den astam jastarǵa óz daǵdylaryn, ideialaryn kórsetýge jáne eldiń tanymal tulǵalarymen kezdesýge, olardan keńester men praktikalyq usynymdar alýǵa múmkindik berdi.
«Zeren» eki negizgi platformada jumys istedi - Online Bilim jáne Online Dialog. Online Bilim - jastardyń onlain sabaqtar arqyly jańa bilim alýǵa múmkindik beretin onlain-oqytý platformasy.
Aida Balaeva:
«Biylǵy Jobadan alǵan bilimderińiz, kórgen tájiribelerińiz sizderdiń aldaǵy ómirlerińizge, jospar-jobalaryńyzǵa mol paidasyn tigizedi dep senemin», - dedi.
Sonymen birge, Ministr Online Bilim-ge Qazaqstannyń túkpir-túkpirinen 1300-den astam jas qatysqanyn, jastar ókilderi sarapshylarmen birge startaptar men biznes-jobalardy damytýdy úirengenin atap ótti.
Aida Balaeva osy sektsiia jumysynyń nátijeleri boiynsha YouTube-ta «Kieli tabiǵat» ǵylymi-bilim berý kanaly qurylatyndyǵyn, onyń videokontenti mektepterde, kolledjderde jáne ýniversitetterde jastar komitetteri men jastar resýrstyq ortalyqtary arqyly taratylatynyn aitty.
Sondai-aq, jastar arasynda ekosofiia qaǵidalaryn nasihattaý jáne ekologiialyq aktsiialar ótkizý úshin eriktilik negizde jalǵastyratyn ekologiialyq qozǵalystardyń jetekshilerin oqytý josparlanǵanyn» atap ótti.
Jalpy, biyl trening bes baǵyt boiynsha ótti: aqparattyq tehnologiialar, jastar kásipkerligi, jeke tulǵany damytý, azamattyq belsendilik, eriktilik.
Jobanyń ekinshi negizgi komponenti - Online Dialog alańy, ol 5 baǵytty qamtydy: aqparattyq tehnologiialar, joǵary sapaly jáne qoljetimdi bilim, jumyspen qamtý jáne jeke damý men memlekettik jastar saiasatyn iske asyrý.
Online Dialog tek pikirtalas alańyna ainalyp qana qoimai, sonymen qatar jastardy memlekettik jáne qoǵam qairatkerlerimen, sarapshylar men biznes qaýymdastyqtarymen tanystyrdy.
Jobanyń negizgi maqsattarynyń biri - jumysqa óńirlerdegi aýyl jastaryn tartý ekenin atap ótken jón. Online Bilim baǵyty boiynsha 25 bailanys jáne Online Dialog baǵytynda 5 bailanys boldy.
2020 jyldyń 9 qarashasynda bastalǵan joba iske qosylǵan sátten bastap qatysýshylar Saiasat Nurbek, Janna Ibraeva, Emin Áskerov, Ahmetov Áset jáne t. b. siiaqty úzdik qazaqstandyq spikerlerdiń, óz isiniń kásibi mamandarynyń eriktilik, azamattyq belsendilik, jastar kásipkerligi, IT tehnologiialar, jeke damý salasyndaǵy quziretterin, daǵdylaryn arttyrdy.
Sonymen qatar, dialog alańy aiasynda QR Parlamentiniń depýtattary, salalyq ministrlikterdiń ministrleri men vitse-ministrleri, qoǵam qairatkerleri, saiasattanýshylar, sarapshylar jáne t. b. sóz sóiledi.
Jobanyń qorytyndysy boiynsha YouTube videohostingisinde ashyq qoljetimdi barlyq beine-sabaqtardyń, master-klasstardyń jazbalary daiyndaldy, bul kez-kelgen adamǵa tanysýǵa jáne ózine jańa nárse ashýǵa múmkindik beredi.
Is-shara jemisti ǵylymi, shyǵarmashylyq, qoǵamdyq qyzmeti, sondai-aq joǵary sporttyq jetistikteri úshin 2020 jylǵy «Daryn» memlekettik jastar syilyǵynyń laýreattaryn marapattaýmen aiaqtaldy.
Eske sala keteiik, 2018 jyly bastalǵan «ZEREN» jobasy elimizdiń barlyq óńirlerinde jastar usynǵan biznes-jobalardy iske qosý, aýyl jastarynyń ekonomikalyq jáne áleýmettik infraqurylymǵa qoljetimdiligin arttyrý, aýyldyq jerlerdegi belsendi, talantty jastardy anyqtaý jáne biriktirý alańyna ainaldy.
Bul joba 2021 jyly da jalǵasady.
