QR Premer-Ministri Asqar Maminniń tóraǵalyǵymen ótken QR Úkimetiniń otyrysynda energetika ministri Nurlan Noǵaev 2020 jyldyń qańtar-mamyr ailarynyń qorytyndysy boiynsha otyn-energetika kesheniniń qazirgi jaǵdaiy týraly baiandady, dep habarlaidy "Ult aqparat" primeminister.kz saityna silteme jasap.
N. Noǵaev atap ótkendei, biylǵy qańtar-mamyr ailarynyń qorytyndysy boiynsha munai jáne kondensat óndirý kólemi 38,5 mln tonnany qurap, jospardyń 100%-yn nemese 2019 jyldyń sáikes kezeńine 105%-dy qurady.
Teńizde 12,4 mln tonna munai óndirildi, bul 2019 jyldyń sáikes kezeńine 99%-dy quraidy. Qashaǵanda 7,1 mln tonna munai óndirildi, bul 2019 jyldyń sáikes kezeńine 165% quraidy. Qarashyǵanaqta 5,2 mln tonna munai men kondensat óndirildi, bul 2019 jyldyń sáikes kezeńine 104% quraidy.
Munai eksporty 31,4 mln tonnany qurady. Ótken jylmen salystyrǵandaǵy munai eksportynyń eleýli ósimi ishki naryqqa munai jetkizýdiń 500 myń tonnaǵa tómendeýine bailanysty.
Munaidy óńdeý jalpy 6,2 mln tonnany qurady. N. Noǵaevtyń aitýynsha, munai óńdeý kóleminiń ótken jyldyń sáikes kezeńiniń kórsetkishterinen artta qalý sebebi — koronavirýs infektsiiasyna orai kórshiles memleketterdiń munai ónimderine importty tómendetýi boldy. Qabyldanǵan karantindik sharalardan elimizdegi ishki naryqtyń tutynýy da azaidy, sondyqtan munai óńdeý jáne munai ónimderin óndirý kólemi azaityldy.
Avtobenzin óndirisi 1 714,6 myń tonna nemese 2019 jyldyń sáikes kezeńine 108% qurady. Dizel otyny – 1 758,2 myń tonna nemese 2019 jyldyń sáikes kezeńine 92%, avto otyn – 163,2 myń tonna nemese 2019 jyldyń sáikes kezeńine 61%.
Jalpy, munai ónimderi naryǵynda jaǵdai turaqty. Janar-jaǵarmai naryǵynda tapshylyq baiqalmaidy.
2020 jyldyń qańtar-mamyr ailarynyń qorytyndysy boiynsha 205 myń tonna benzin Eýropa elderine jáne Ortalyq Aziia memleketterine eksporttaldy.
«Ishki naryqty bitýmmen turaqty qamtamasyz etý maqsatynda Ministrlik Indýstriia jáne infraqurylymdyq damý ministrligimen 2020 jylǵa 984 myń tonna bitým óndirisiniń kestesin bekitti, onyń ishinde 524 myń tonna respýblikalyq jáne 459 myń tonna jergilikti jelileriniń qajettiligi bolyp tabylady», — dedi N. Noǵaev.
Bitým óndirisi 2020 jyldyń qańtar-mamyr ailarynyń qorytyndysy boiynsha 294,5 myń tonnasy óndirildi nemese ótken jyldyń sáikes kezeńine 123% qurady.
Búgingi tańda josparlanǵan 320 myń tonnanyń 277,4 myń tonnasy nemese 87% bitým tapsyrys berýshilerge jóneltildi.
Sonymen qatar, Energetika ministrligi Aýyl sharýashylyǵy ministrligimen birlese 2020 jylǵy dala jumystaryna dizel otynyn jetkizý boiynsha oblystardy munai óńdeý zaýyttaryna bekitý kestesin qabyldady, aýyl sharýashylyǵy taýaryn óndirýshilerge bir litr úshin 165 teńge arzandatylǵan baǵamen 386,5 myń tonna dizel otynyn bóldi.
Búgingi tańda josparlanǵan 386,55 myń tonnanyń 283,5 myń tonnasy aýyl-sharýashylyq taýar óndirýshilerine 73,3% jóneltildi. Budan basqa, 63,3 myń tonna qosymsha dizel otyny bólindi.
Osy jylǵy qańtar-mamyr ailarynyń qorytyndysy boiynsha gaz óndirý kólemi 24,82 mlrd tekshe metrdi qurady. Bul 2020 jyldyń qańtar-mamyr ailarynyń josparyna 101% nemese 2019 jyldyń sáikes kezeńine 107% quraidy.
Taýarlyq gaz óndirý kólemi 14,04 mlrd tekshe metrdi qurady, taýarlyq gaz eksporty 6,9 mlrd tekshe metr, suiytylǵan munai gazyn óndirý kólemi 1,3 mln tonnany qurady.
Kúzgi-qysqy jylytý kezeń shtattyq rejimde jáne iri apattyq jaǵdailarsyz ótti. Elektr energiiasyn óndirý 45,6 mlrd. kVt. saǵ. qurady.Elektr energiiasyn óndirý tikelei energiia tutyný kólemine qatysty ekendigin aita ketken jón.
Ýran óndirý kólemi 8701,3 tonnany qurady, bul 2019 jyldyń sáikes kezeńine 96,6%.
Munai-gaz-himiialyq ónimderdiń óndiris kólemi 197 myń tonnany qurady, bul 2019 jyldyń sáikes kezeńimen salystyrǵanda 77,5 %-ǵa artyq.
2018 jyly maýsym aiynan bastap Atyraý oblysynda qýaty jylyna 500 myń tonnany jáne quny $2,6 mlrd quraityn polipropilen óndirisi boiynsha jobanyń qurylysy júrgizilip jatyr. Osy jyldyń qańtar-mamyr ailarynyń qorytyndysy boiynsha jobany iske asyrýdyń jalpy progresi – 66,58%. Jospardan aýytqýy COVID-19 koronavirýs infektsiiasynyń pandemiiasymen bailanysty, bul jabdyqty jetkizý kestesiniń buzylýyna, sheteldik jumys kúshin tartý boiynsha jolǵa qoiylǵan jumys júiesiniń buzylýyna ákep soqty.
«Negizgi kórsetkishterge qol jetkizý Energetika ministrliginiń turaqty baqylaýynda», — dep túiindedi N. Noǵaev.
