2020 jyldyń 1 qańtarynan bastap birqatar sala men mamandyq boiynsha eńbekaqy resmi kóbeiedi, dep habarlaidy "Ult aqparat".
Atap aitqanda, muǵalimder jalaqysy - 25 paiyzǵa, mádeniet salasy qyzmetkerlerinde - 35-50 paiyzǵa jáne áleýmettik qyzmetterde - eńbekaqy 30-60 paiyzǵa kóteriledi.
«Qazaqstannyń eńbek sińirgen ustazy» qurmetti ataǵymen marapattalǵan muǵalimderge 1000 AEK mólsherinde birjolǵy tólem beriledi, al magistr dárejesi bar dene tárbiesi jáne sport salasyndaǵy memlekettik bilim berý uiymdarynyń qyzmetkerlerine jáne áskeri oqý oryndarynyń oqytýshylaryna qosymsha 10 AEK tólenedi.
Sonymen birge, 2020 jyldyń 1 qańtarynan bastap yntymaqtyq zeinetaqy 7% -ǵa ósedi, al onyń eń tómengi mólsheri 38 636 teńgeni quramaq. Memlekettik bazalyq zeinetaqy tólemi 5 paiyzǵa artyp, eń tómengi mólsheri - 16 839 teńge bolady.
Al Jastar jylynyń resmi jabylýynda Qazaqstan Prezidenti Qasym-Jomart Toqaev 2020 jyldyń 1 qańtarynan bastap stýdentter shákirtaqysy 25 paiyzǵa artatynyn málimdedi. Osylaisha, bakalavriat stýdentterine arnalǵan stipendiia 26 186 teńge, magistratýraǵa - 66 913 teńge, doktorantýra úshin - 102 498 teńge tólenedi.
