Kólik salyǵyn tóleý esepti jyldan keiingi jyldyń 1 sáýirine aýystyrylǵandyqtan 2020 jyl úshin kólik salyǵy óspeidi, dep habarlaidy "Ult aqparat" QR Qarjy ministrligi Memlekettik kirister komitetine silteme jasap.
Kólik salyǵyn tóleý esepti jyldan keiingi jyldyń 1 sáýirine aýystyrylýyna bailanysty azamattar arasynda salyq kólemi ósedi degen túsinispeýshilik týǵan.
«Salyq tóleýshi 2020 jylǵa arnalǵan salyq mindettemelerin 2021 jyldyń 1 sáýirine deiin oryndaýy kerek. Tiisinshe, kólik salyǵynyń somasyn esepteý kezinde 2020 jylǵy 1 qańtardaǵy ailyq eseptik kórsetkishtiń mólsheri eskeriledi.
Eske sala keteiik, atalǵan merzimde AEK 2 651 teńge. Iaǵni, salyq osy kórsetkishpen esepteledi. 2021 jylǵa arnalǵan kólik salyǵyn 2022 jyldyń 1 sáýirine deiin tólegen kezde 2021 jyldyń 1 qańtaryndaǵy AEK qoldanylady. Demek, 2020 jyl úshin kólik salyǵy óspeidi», delingen habarlamada.
