QR Sybailas jemqorlyqqa qarsy is-qimyl agenttigine ótken jyly jemqorlyq faktileri týraly 1 myńǵa jýyq habarlama tústi.
Bul týraly búgin atalǵan vedomstvoǵa qarasty Strategiia jáne jedel basqarý departamentiniń basshysy Rinat Qabiev aitty, dep habarlaidy "Ult aqparat".
«Azamattarmen jedel ári úzdiksiz keri bailanysty jolǵa qoiý úshin agenttikte 1424 Call-ortalyǵy jumys isteidi. Operatorlar táýlik boiy rejimde jemqorlyq faktileri, sonymen qatar kásipkerlik qyzmetke kedergi keldirý derekteri týraly habarlamalar alyp jatady. 2019 jyly bizde shamamen 1 myńǵa jýyq mundai habarlama tirkelgen bolatyn», - dedi ol.
Onyń atap ótýinshe, túsken habarlamalarǵa orai 66 qylmystyq fakti tergelip jatyr. Qazirgi ýaqytta 18 is sotqa jiberilgen. Jalpy ótken jyly 2018 jylmen salystyrǵanda qońyraýlar men tergelgen ister sany eki esege artyp otyr. Bul Call-ortalyǵynyń tiimdi ekendigin kórsetedi.
