2019 jyly memlekettik eńbek inspektorlary 41 myńnan astam jumyskerdiń quqyǵyn qorǵady. Bul týraly QR Eńbek jáne halyqty áleýmetik qorǵaý ministrliginen málim etti, dep habarlaidy "Ult aqparat".
«2019 jyly memlekettik eńbek inspektorlary respýblikanyń 1 771 kásipornynda 43,3 myń jumysker aldynda jalaqy boiynsha 6,1 mlrd teńgeden astam bereshegi bar ekenin anyqtady. Qoldanylǵan sharalardyń nátijesinde, sonymen qatar jalaqy boiynsha qaryzdy óteýdiń merzimi men kestesin qatań belgileý arqyly 41 myńnan astam jumyskerdiń quqyǵy qorǵalyp, nátijesinde olarǵa 5,4 mlrd teńge tólendi», - delingen ministrlik aqparatynda.
Vedomstvo málimetinshe, atalǵan kásiporyndardyń jetekshilerine oryndalýy mindetti 1 285 nusqama berilip, 141 mln teńgeden astam somaǵa aiyppul salyndy.
Jalpy, 2019 jyly memlekettik eńbek inspektorlary 9 513 tekserý júrgizdi. 12,9 myńnan astam QR eńbek zańnamasyn buzý faktileri anyqtalyp, 467 mln teńge somaǵa aiyppul salyndy.
