Búgin QR Úkimetiniń baspasóz ortalyǵynda indýstriia jáne infraqurylymdyq damý ministri Jeńis Qasymbek turǵyn úi qurylysyn damytý týraly aityp, «Nurly jer» memlekettik baǵdarlamasyn iske asyrýdyń negizgi nátijelerin atady, dep habarlaidy "Ult aqparat".
J. Qasymbek 2018 jyly qurylys salasy turaqty ósim qarqynyn kórsetkenin jáne 2017 jyldaǵy deńgeige qaraǵanda — 4,1%, eńbek ónimdiliginiń ósimi — 9%-dy quraǵanyn aitty. Turǵyn úi qurylysyna salynǵan investitsiialar shamamen 8%-ǵa artty.
«Aita keterligi, "Nurly jer" memlekettik baǵdarlamasy boiynsha memlekettik qarajattyń 1 teńgesine 6-7 teńge jeke investitsiialar tartylǵan. Rekordtyq 12,5 mln m² jańa turǵyn úi paidalanýǵa berildi. Bul 2017 jylǵy deńgeiden 12%-ǵa joǵary. 2018 jyly bir turǵynǵa turǵyn úidi paidalanýǵa berý 0,68 m² qurady. Bul TMD elderi arasyndaǵy eń joǵarǵy kórsetkish. Salystyryp qaraityn bolsaq, Reseide – 0,54 m², Belarýste – 0,40 m², Ózbekstanda – 0,36 m² quraidy. Turǵyn úi qurylysynyń qarqynyn ulǵaityp jatyrmyz», — dedi J. Qasymbek.
Onyń aitýynsha, 113 myńnan astam otbasy ózderiniń turǵyn úi jaǵdailaryn jaqsartty, sonyń ishinde 14 myńnan astam otbasy memlekettik qarajat esebinen arendalyq jáne nesielik baspanamen qamtamasyz etildi. Barlyq óńirlerde turǵyn úidi paidalanýǵa berýde oń qarqyn baiqalady.
Buǵan qosa, «7–20–25» baǵdarlamasyn sátti júzege asyrý maqsatynda injenerlik kommýnikatsiialar qurylysyna 100 mlrd teńgege deiin qarjylandyrý ulǵaityldy. Astana, Almaty jáne Shymkent qalalarynda jumys isteitin jastar úshin jyl saiyn keminde 1 myń arendalyq páter salý jónindegi Memleket basshysynyń tapsyrmasyn oryndaý úshin qarjylandyrý tetikteri men kózderi anyqtaldy.
«Jalpy, 2019 jyly 13 mln m² jańa turǵyn úiler salýdy josparlap otyrmyz. Sonyń arqasynda 118 myńǵa jýyq otbasy baspanamen qamtamasyz etiledi. Negizgi mindet – 2030 jylǵa deiin bir adam basyna maqsatty kórsetkishti 30 m² jetkizý. Qazirgi kezde bul kórsetkish 21,5 m² quraidy», — dedi ministr.
Sonymen qatar, J. Qasymbek otandyq qurylys materialdaryn qoldaný máselesi erekshe baqylaýǵa alynǵanyn atap ótti.
«Eger búginde turǵyn úi qurylysynda shamamen 86% qazaqstandyq ónim bolsa, 3 jyl ishinde bul kórsetkishti 90%-ǵa deiin kótere alamyz dep esepteimiz. Bul qurylys materialdary óndirisin yntalandyrady jáne jalpy qurylys salasyna qosymsha serpin beredi. Ótken jyldyń qorytyndysy boiynsha qurylystaǵy qazaqstandyq qamtý úlesi 2017 jylǵy deńgeiden 5%-ǵa artyp, 77% qurady, onyń ishinde turǵyn úi qurylysynda – 86%», — dedi J. Qasymbek.
