2019 jyldan bastap jaratylystaný tsiklindegi "Himiia", "Fizika", "Informatika", "Biologiia" pánderiniń ekeýin joǵary synyptarda aǵylshyn tilinde oqytý josparlanǵan, dep habarlaidy ortcom.kz saity.
Bul týraly "Informatika", "Fizika", "Himiia", "Biologiia" pánderi muǵalimderiniń biliktilikti joǵarylatý kýrstarynan ótýge qatysty ótken baspasóz máslihatynda aityldy.
"NBO-da 4 pán boiynsha barlyǵy 31928 muǵalim bar. Onyń 62%-y aýyl muǵalimderi, qala boiynsha 38%-dy quraidy. 2 jyl ishinde respýblikalyq biýdjet esebinen 12 179 muǵalim til kýrstarynan ótti. Onyń 750-i 2016 jyly oqytylsa, biyl 11 429-y til kýrstarynan ótti. Iaǵni jalpy 40%-yn qamtydy", – dedi QR Bilim jáne ǵylym ministrliginiń mektepke deiingi jáne orta bilim departamentiniń direktory Sholpan Karinova.
Qazirgi ýaqytta til kýrstary Nazarbaev Ýniversiteti, Nazarbaev ziiatkerlik mektepteri, "Órleý", "USTAZ Professional Learning Centre" JShS, "Astana School of Business and Technology" JShS, "Astana Bilim Ordasy" JShS qatarly alty uiymda ótkizilip jatyr.
"Halyqaralyq emtihandardy tapsyrǵan jáne oqý baǵdarlamalaryn aǵylshyn tilinde ótkizip jatqan pán muǵalimderi úshin 2017 jyldyń 1 qyrkúieginen bastap negizgi laýazymdyq qyzmetaqydan 200% kóleminde qosymsha tólem tólenedi", – dedi departament basshysy.
