Qazaqstannyń Ulttyq Olimpiadalyq Komiteti "Ulttyq sporttyq júlde - 2018" úmitkerlerine daýys berý jalǵasyp jatqanyn málim etti, dep habarlaidy "Ult aqparat".
Jankúierler óziniń súiikti sportshysyna 19 qarasha men 3 jeltoqsan aralyǵynda Qazaqstan UOK resmi saity Olympic.kz arqyly daýys bere alady.
Daýys berý toǵyz nominatsiia boiynsha júzege asýda.
«Jazǵy sport túri boiynsha úzdik sportshy» ataǵyna birneshe sportshy qatysýda. Olardyń arasynda grek-rim kúresiniń sheberleri Aidos Sultanǵali men Nurislam Sanaev, velosportshy Aleksei Lýtsenko, semserlesý sportynyń sheberi Dmitrii Aleksanin, dziýdoshy Erjan Serikjanov jáne jeńil atlet Olga Rypakova bar. Eń kóp daýysqa ázirge Aleksei Lýtsenko ie. Onyń enshisinde 7539 upai bar.
«Qysqy sport túri boiynsha úzdik sportshy» ataǵyna úsh sportshy úmitker. Olar - biatlonshy Galina Vishnevskaia, mánerlep syrǵanaýshy Elizabet Tursynbaeva jáne Phenchhanda ótken qysqy Olimpiada oiyndarynyń qola júldegeri Iýliia Galysheva. Qazirge úsh sportshydan eń kóp daýysty Iýliia Galysheva jinaǵan (2722).
Al «Úzdik jas sportshy» atalymy boiynsha bes sportshy synǵa túsip jatyr. Olar - boksshy Aibek Oralbai, kórkem gimnastika sheberi Alina Ádilhanova, sýda júzý sportynan Ádilbek Mýsin, dziýdoshy Bekarys Sádýaqas jáne baidarka men kanoe esý sportynan Dias Bahraddinge daýys bere alasyzdar. Ázirge bul atalym boiynsha Ádilbek Mýsin 1725 daýyspen kósh bastap keledi.
Sonymen qatar «Jazǵy sport túri boiynsha úzdik bapker», «Qysqy sport túri boiynsha úzdik bapker», «Olimpiadalyq sport túri boiynsha úzdik ulttyq sporttyq federatsiia», «Úzdik sporttyq aimaq» (oblystar men respbýlikalyq mańyzy bar qalalardaǵy jáne astanadaǵy dene shynyqtyrý jáne sport basqarmasy), «Jyl tańdaýy», «Jyldyń úzdik komandasy» atalymdary boiynsha da daýys berýge bolady.
Qazaqstan UOK eki aiǵa jýyq ýaqyt ishinde olimpiadalyq sport túrleri boiynsha ulttyq federatsiialardan ótinim qabyldap, Sport direktsiiasy úmitkerlerdiń tizimin jasaqtady.
Baiqaý 2018 jyldyń 4 jeltoqsany kúni Ulttyq sporttyq júldeni saltanatty túrde tabystaý rásiminde qorytyndylanady. Júldeniń televiziialyq nusqasyn «Qazaqstan» jáne «Qazsport»arnalary kórsetedi.
