Ulttyq banktiń qolma-qol aqsha ainalysy departamentiniń basqarma basshysy Serikjan Maidanov 200 teńgelik banknotany paidalanýǵa bailanysty túsinik berdi, - dep habarlaidy Tengrinews.kz tilshisi.
Vedomstvo málimetinshe, búginde halyq tarapynan kóptegen suraq túsken. Turǵyndardyń aitýynsha, kásipkerler 200 teńgelik banknotany alýdan bas tartady eken.
Ulttyq bank ókili 200 teńgelik banknotany zań boiynsha áli de paidalanýǵa bolatynyn atap ótti.
"Olar 200 teńgelik monetamen qatar ainalymda júr jáne kez kelgen tólem, bank operatsiiasy men aqsha jiberý kezinde qoldanýǵa bolady", - deidi Serikjan Maidanov.
Banknotalardy barlyq bank bólimshesinde, "Qazposhtanyń" kez kelgen bólimshesi men Ulttyq banktiń bólimshelerinde aýystyryp alýǵa bolady.
"Eger sizden 200 teńgelik monetany almai qoiǵan jaǵdada Ulttyq banktiń jaqyn jerdegi bólimshesine júginýge bolady", - deidi Maidanov.
