21 qyrkúiekten bastap jeke sáikestendirý nómirin (JSN) alý úshin 200 myńǵa jýyq sheteldik azamat ótinim berdi. Bul týraly Májilis kýlýarynda Tsifrlyq damý, innovatsiialar jáne aeroǵarysh ónerkásibi vitse-ministri Áset Turysov málimdedi, dep habarlaidy "Ult aqparat".
«21 qyrkúiekten beri 200 myńǵa jýyq ótinish tústi. Bul - jalpy barlyq sheteldikten. JSN berý týraly naqty aqparat bere almaimyn. Osy jerde biznespen ainalysyp nemese jumysqa ornalasyp, bankten esepshot ashqysy keletin kez kelgen sheteldik azamat JSN alýy kerek», - dedi ol.
Eske salaiyq, 2022 jyldyń naýryzynda Qazaqstanda JSN alǵan reseilikterdiń sany 2021 jyldyń naýryzymen salystyrǵanda 14 esege ósti. Byltyr Reseidiń 14 717 azamaty JSN alǵan. Sonymen qatar, 2022 jyldyń alǵashqy úsh aiynda ǵana 12 840 reseilik azamatqa JSN berilgen.
