Qazaqstanda Qnet jelilik kompaniiasyna qatysty 29 qylmystyq is qaralyp jatyr, dep habarlaidy QazAqparat.
QR IIM Tergeý departamentiniń basshysy Sanjar Ádilovtiń aitýynsha, Qnet kompaniiasynyń bas keńsesi Malaiziiada ornalasqan.
«Kompaniia jelilik marketing júrgizedi, onda adamdar túrli zergerlik buiymdardy satýmen ainalysady. Bastapqy salym somasy – 30 dollar. Qazirgi ýaqytta azamattardan 211 shaǵym tirkelgen. Jalpy elimiz boiynsha 29 qylmystyq is tergelip jatyr», - dedi S. Ádilov QR IIM uiymdastyrǵan onlain brifingte.
Spikerdiń aitýynsha, Almaty oblysy Politsiia departamentiniń tergeý basqarmasy Qnet kompaniiasynyń ókilderine qatysty 20 qylmystyq isti tergep jatyr.
«Munda 220 adamnyń zadrap shekkeni anyqtaldy. Olar 160 mln teńge materialdyq shyǵynǵa ushyraǵan. Tergeý sharalary belsendi júrip jatyr. Malaiziia Koroldigine halyqaralyq tergeý tapsyrmasy jiberildi. Atalǵan qylmystyq is nátijeleri týraly qosymsha habarlaimyz», - dedi departament basshysy.
Aita keteiik, jyl basynan beri Ishki ister organdary qarjy piramidalaryn uiymdastyrý men qurý boiynsha 217 qylmystyq isti tergep, 116 isti sotqa joldaǵan.
