Biyl jazda semeilikterdiń ystyq sý máselesi sheshiletin boldy, dep habarlaidy QazAqparat.
Ystyq sý maýsym aiynda beriledi dep josparlanyp otyr. Osylaisha qalanyń sol jaǵalaýyndaǵy 33 myń turǵyn biyl ystyq sýǵa qosylady. Búgin Semeige issaparmen kelgen oblys ákimi Danial Ahmetov № 1 Jylý elektr stansasynda bolyp, qazandyqtardaǵy jóndeý jumystarymen tanysty.
2009 jyldan bastap №1 jylý elektr stansysynda qaita jóndeý men jańǵyrtý jumystary júrgizilýde. Nátijesinde qalanyń sol jaǵalaýyndaǵy kópqabatty turǵyn úiler ystyq sýmen qamtylmaq. Al uzaq jyldar ystyq sýdyń bolmaýy sý qubyrlarynyń eskirýi saldarynan týyndaǵan másele. Jylý elektr stansysyna kelgen aimaq basshysy qazandyqtardaǵy jóndeý jumystary 1 maýsymǵa deiin aiaqtalýǵa tiis ekenin qadap aitty.
«Jumystar 1 maýsymǵa deiin aiaqtalýy kerek. Halyq aldaǵy 20 jylǵa ystyq sýmen qamtylatyn bolsyn. 1997 jyldan beri jaz kezinde bul jerde sý bolmaǵan. Osy másele tolyq sheshilip, qaita kóterilmeýi tiis. Tek RK-3-ten jylytylatyn shaǵyn aýdandy esepke almaǵanda, - dedi Danial Ahmetov.
