بيىل جازدا سەمەيلٸكتەردٸڭ ىستىق سۋ مەسەلەسٸ شەشٸلەتٸن بولدى, دەپ حابارلايدى قازاقپارات.
ىستىق سۋ ماۋسىم ايىندا بەرٸلەدٸ دەپ جوسپارلانىپ وتىر. وسىلايشا قالانىڭ سول جاعالاۋىنداعى 33 مىڭ تۇرعىن بيىل ىستىق سۋعا قوسىلادى. بٷگٸن سەمەيگە ٸسساپارمەن كەلگەن وبلىس ەكٸمٸ دانيال احمەتوۆ № 1 جىلۋ ەلەكتر ستانساسىندا بولىپ, قازاندىقتارداعى جٶندەۋ جۇمىستارىمەن تانىستى.
2009 جىلدان باستاپ №1 جىلۋ ەلەكتر ستانسىسىندا قايتا جٶندەۋ مەن جاڭعىرتۋ جۇمىستارى جٷرگٸزٸلۋدە. نەتيجەسٸندە قالانىڭ سول جاعالاۋىنداعى كٶپقاباتتى تۇرعىن ٷيلەر ىستىق سۋمەن قامتىلماق. ال ۇزاق جىلدار ىستىق سۋدىڭ بولماۋى سۋ قۇبىرلارىنىڭ ەسكٸرۋٸ سالدارىنان تۋىنداعان مەسەلە. جىلۋ ەلەكتر ستانسىسىنا كەلگەن ايماق باسشىسى قازاندىقتارداعى جٶندەۋ جۇمىستارى 1 ماۋسىمعا دەيٸن اياقتالۋعا تيٸس ەكەنٸن قاداپ ايتتى.
«جۇمىستار 1 ماۋسىمعا دەيٸن اياقتالۋى كەرەك. حالىق الداعى 20 جىلعا ىستىق سۋمەن قامتىلاتىن بولسىن. 1997 جىلدان بەرٸ جاز كەزٸندە بۇل جەردە سۋ بولماعان. وسى مەسەلە تولىق شەشٸلٸپ, قايتا كٶتەرٸلمەۋٸ تيٸس. تەك رك-3-تەن جىلىتىلاتىن شاعىن اۋداندى ەسەپكە الماعاندا, - دەدٸ دانيال احمەتوۆ.
