Eki onjyldyqta álem 100 mln gektarǵa jýyq ormannan aiyryldy. BUU boljaýynsha, jahandyq ormansyzdaný bastalýy múmkin, dep habarlaidy European Data News Hub portaly.
BUU-nyń Azyq-túlik jáne aýyl sharýashylyǵy uiymynyń aqparaty boiynsha, jalpy jer ýchaskesindegi orman úlesi 2000 jyly 31,9% bolyp, 2020 jylǵa deiingi aralyqta 31,2%-ǵa deiin tómendegen jáne qazir shamamen 4,1 mlrd gektardy quraidy. Iaǵni, álem 100 mln gektar ormanynan aiyrylǵan.
Ormansyzdaný keiingi onjyldyqta Afrikada, Sahara men Ońtústik-Shyǵys Aziiadan ońtústikke qarai údep ketti, al ormansyzdanýdan qatty zardap shekken Latyn jáne Ońtústik Amerikada, qazir bul protsess kerisinshe baiaýlady.
Ormandardy daqyl ósirý, aýyl sharýashylyǵy janýarlaryn baǵý úshin joiady. Bul úrdis ásirese az damyǵan elderde baiqalady.
Álemdik tabiǵi resýrstar institýty qurǵan Global Forest Watch servisiniń málimeti boiynsha, 2019 jyly eń kóp ormanynan aiyrylǵan elderdiń bestigine Resei (-3,7 mln ga), Braziliia (-2,7 mln ga), Kanada (-2,2 mln ga), AQSh (-2,1 mln ga) jáne Aýstraliia (-1,7 mln ga) kirip otyr.
